لكل حامل لاول مره ولكل أم،،ملف خاص بمستلزمات المولود الجديد من الألف إلى الياء بالصور

مرحبا خواتي،،اشحالكن وعلومكن؟؟عساكن بخير
خواتي انا حامل وللمره الأولى ولله الحمد،،فما عندي أي خلفيه بخصوص المشترى اي ((التبضع)) وشراء الاحتياجات اللازمه للبيبي ولي

فياليت كل وحده تكتب لي قائمة بكل الاحتياجات اللازمه من ابلغ اهميه الى الاقل اهميه
مرفقه بالصور

وابغي اعرف بعد
كم فوط داخليه اشتري ف البدايه
عشان ما اكثر وبعدين مثل ما تعرفون ما شاء الله البيبيات يكبورن بسرعه ما شاء الله لا اله الا الله عليهم
ومن عمر كم لكم؟؟
وكم قماطات ؟؟ وفوط؟؟وملابس خارجيه؟؟ابغي اعرف كل شي
وابغي اعرف بعد مستلزمات الحمام عزكن الله
طبعا انا ان شاء الله بستخدم منتجات جونسون لأني اموت ف ريحتها
بس أبغي اعرف شو احسن نوعيه وياليت الصور
وياليت ذكر كل منتج لشو استخدمه؟؟
وشو احسن نوعيه للبامبرز ؟؟
وابغي اعرف شو آخذ له غير السرير والحوض والملابس والسداحه ولعبة الطفل الاولى ومقعد السياره وكرسي الاكل
وبعد ابغي اعرف انا شو آخذ لي
يعني فوط للصدر وغيره؟؟
وكيف اغسل ثيابه ف المستقبل ؟؟ كل شي كل شي ابغي اعرف
لا تخلون شي

اكيد فهمتوا انا شو اريد بالضبط
بس ابغي ذكر احسن نوعيه ومع الصور

ومشكورات مسبقا