نفسيتي تعبانه

السلام عليكم ورحمة الله وبركاته اخواتي ما لقيت حد اشكيله وهمي بعد الله الا انتن اخواتي اخواتي ما اعرف شو يصير معايه حاسه نفسيتي تعبانه عندي ياس من الحياةوحزن احاول اجامل الحياة بس سبحان الله الحزن دايما بداخلي غير الخوف اللي احس فيه ما اعرف شو السبب الحمدالله دايما استفغر واقرا قران مش وايد يعني بس واقرا على نفسي الفاتحة واية الكرسي والمعوذات لكن سبحان الله لما بديت اقرا على نفسي احس اني تعبت اكثر لا حول ولا قوة الا بالله اخواتي انا اكتبلكن وحاسه نفسي اني بصيح فكرت اروح لطبيب نفيسي لو معالج بالقران بس انا محتارة اخواتي حد منكن مر بالحالة اللي انا امر فيها الحين ياليت اخواتي تنصحني شو اسوي وادعولي ان ربي يشفيني

لا يصيبج وسواس هالامر ولا تراقبي روحك
الي صايبك كآبة تصيب كل بني البشر فيفترات متفاوتة و تروح
افضل حل لعلاج الكآبة هو تجاهلها اشغلي روحج مع ربيعاتج لا تقعدي فالبيت و لا تقعدي بروحج
اختلطي بالناس
لو ما عندج ربيعة انا على استعداد اكون ربيعتج..
تبين تليفوني..
بس الله يخليج تجاهلي هالشعور

ألا بذكر الله تطمئن القلوب

فكري بطريقه عقلانية ولا تخلين الشيطان ووساويسه تعلب فيج اختي انتي ماعليج الا العوده الى اقرب ربيعه وتفتحين لها قلبج وتصارحينها ببواطن المشكله الاساسيه ومشكلتج خاصه اعتقد ولايختلف عليه اثنان المفروض المكاشفه والمصارحه في الهاجس الذي خلق هذه الافكار والحالة التي تعانيين منها

فديت روحج وداد القلب يشرفني والله تكونين صديقتي ممكن اطرشيلي رقمج الغاليه واذا تبيني اطرش رقمي انا حاضره

عندي امل ما عندي حد اشكيله همي الله احسن منهم كلهم هو الذي اشكيله همي ونعم بالله

كنت مثلج قبل ..

اشتكي من هذا الي قلتي عنه كله والله ..

تعرفين ؟؟

يوم توجهت لرب العالمين وصليت صلاة خاشعة اكثر من قبل وقريت القرآن واستغفرت
وكل وقت اذكر رب العالمين ..
والله ان حالي انجلب 180 درجة رجعت ام فطومة الأولية إلأي تضحك وتسولف ..
لكن طريقة احسن من قبل بوااايد ..

والله العظيم بتحسين بنفسج غييير..

وحلاة الايمان إلي يقولون عنها والله بتستشعرينها وبتحسين ان هالدنيا ما تسوى شي ومشاكلج من توافه الأمور ..

وتأكدي اختي في الله .. ان هذا إلي فيه انتي كله من الشيطان وهو يحاول انه يقنعج به ..
تعوذي منه ولا تخلين نفسج تسيطر عليج وشوفي شو بيصير ..

ورب العالمين كريم غفور غافر الذنب رحيم فارجعي له والله ما بتندمين ..

وعقبها ادعي لاختج في الله ( أم فطومة )

حبيبتي الله يكون في عونج
انا اعرف وحده ربيعتي نفسج
وقلتلها انتي سويتي شي وندمتي عليه
او تحسين بتانيب الضمير
لانها غلطت
ومنوه اللي مايغلط ماحد معصوم من الغلط
بس اذا ندم واستغفر وتعلم من غلطه صدقوني بيرتاح
انا بعد مجرد فكرة فكرت بها وهي كانت غلط والله اني تميت فترة تعبانه وخايفة بس اكتشفت انها السبب
واستغفرت ربي واعترفت لله بالغلط وكلمته هيه بصوت عالي قلت لاني اعرف انه يسمعني
اذا كان يعرف ما فالصدور كيف مابيسمعني والله اني ارتحت لما كلمته واستغفرته
لازم الانسان يحاسب نفسه ويناجي ربه عشان يرتاح
ابحثي غناتي عن شي اتي سويتيه او قلتيه او فكرتي فيه وكان غلط واعترفي لربج واستغفري