انا تقريبا من سنة ونصف متزوجه..حملت 3 مرات وطيحتهم كلهم اقل من شهرين، الدكاتره قالولي السبب مب واضح لان الجنين ما فيه نبض. الحمدلله فحوصاتي وفحوصات زوجي كلها سليمه.
بس في شي محيرني وهو الاستحاضة الي كانت تستويلي وانا بنت.. تقريبا كل شهرين..والاستحاضه هي ينزلي دم خفيف في وقت التبويض..انا قريت عن الاستحاضه وانها ركله من الشيطان.
طبيا الدكاترة قالولي الاستحاضه ما تسبب اجهاض..لكن ما عرف هل هو مرض روحاني يسببلي اجهاض. ربيعتي تقول يمكن في يني في رحمج يطيح عيالج..
ونسيت اذكر شي ان في الثلاث مرات انا انفعلت وبعدها ابتدى النزيف..سالتي دكتورتي تقولي ما يخص الانفعال في الاجهاض..الحرمه طبيعي تنفعل لا هرموناتها تتغير..بس ادكر يوم بنيه اذا انفعلت بقو على طول انزف نزيف خفيف جدا.
انا اومن بالسحر والمس وعالسوالف لانها مذكوره في السنه بس الحمدلله انا انسانه محافظة على ديني ودايما ارقي نفسي وما فيني ولله الحمد اعراض العين او المس او السحر.
فيدووني حبايبي اذا عندكم خلفية في هالموضوع ودعواتكم لي في هالشهر الفضل ان الله يقر عيني بطفل
وربي يرزقج بالذريه الصالحه عاجلا غير آجل …. آمييين يارب العالمين
وموفقه الغاليه بالدنيا والآخره
مشكووووووووووووووره حبيبتي والله حسيت دعوتج دخلت قلبي لانها طلعت من قلبج الصادق
والله يحقق كل امانيج يارب
بالعكس ياثر واااااايد ،، انا ياني الطلق بسبب الانفعال ،، شفت حادث جدامي وياني الطلق ،،
تخيلي ،، كيف انتي في بداية الحمل بعده ما ثبت وتنفعلين وتتضايقين او اتعصبين كل ها يسبب انقباضات في جسمج
وافراز بعض الهرمونات وهالشي بياثر على الحمل ،،
الحمدلله انج ملتزمة على الاذكار والرقية ،، وما دام ما تحسين باي اعراض تدل على السحر او العين او غيره
فالافضل ان شاء الله في الحمل المقبل ما تتاثرين او اتضايقين عمرج ،،
ركزي على الجنين اللي في بطنج وانه محتاج لج وكل ما صار لج مشكلة تذكري النونو وهدي نفسج
وتمددي واااايد وارفعي ريولج فوق كل يوم ساعة الى ساعتين ،، قسميهم مرة صبح ومرة ليل ..
ولا ترفعين شي ثقيل ..
ارتاحي اول 3 شهوووووور وباذن الله الله يثبت حملج ويرزقج الذرية الصالحة
ولاتوسوسين وتسمعين كلام الناس وكل حد يقولج يمكن ويمكن
خلج مع الدكتوره وتوكلي على الله