يومياتيـ ـ بعد الولادهـ ـ

ولحظاتـ ـ حلوهـ ـ بالرغم من مرارتها ..

اللى تنتهيـ ـ مع سماع صوتـ ـ او مولود لها ..

شعورج للمرهـ ـ الاولى كام غير ..

واللهـ ـ غير ..

شعور حلو..

شعور غريبـ ـ ..

واحيانا محزنـ ـ ..

بسـ ـ الامل بالواحد القهار كبير ..

والحمد للهـ ـ على كل حالـ ـ ..

كان الوقت قبل المغرب بشويـ ـ .. كنت احس بتعب فضيع ..

ومب قادره اتحرك وانا يدوب يومين ومكمله السادس وامشي ف السابع ..

دحل على بعليـ ـ .. واستغرب لاني من يومين مب قادره اتحرك ..

واتحايل على الين ما وداني المستشفى..

قالي بنسير عند اوراس قلتله خلاص هي ف هالاشهر مالها دخل بالحامل ..

خل نسير خليفه بس هو رفض ..!!

ووداني اخر شي GMC بعجمان ..

المهم اول ما كشفت على الدكتوره قالتلي انتي مفتوح 2 سم ..

لازم تروحين المستشفى نحن ما نتحمل مسؤليه اليهال القاصرين هني وماعندنا حضانه لعمر ولدج..!!

دارتبي الدنيا .. ما عرفت شو بسوي ..

طلعت الدكتورهـ ـ وكلمتـ ـ بعليـ ـ وويه تغير ما فهمت ملامحه مووول ..

وعلى طول سرنا خليفه وكلمت ماماتي اللى لحقتني هناكـ ـ وما ادري كيف مر الوقت ..

وكل ما ياهـ ـ الويع يزيد وهم ..

يحطون جهاز التخطيط ويفحصوني وغيرهـ ـ ..

حسيت اني بموت ..

دخلوني حجره الولاده بعد التصوير وقالولي انتي ما بتولدين الا قيصري وعطوني ابره تقوي رئه البيبي وقالولي في وحده ثانيه عقب 12 ساعه ..!!

وقالتلي النيرس انتي لازم ما تربين <<< يعني يودي عمرج …!!!

وغصبن عني والحريم يصارخن قمت اصارخ وياهن …

الين ما وصلت 4 سم نقلوني بسرعه لغرفه العمليات ..

وكل اللى اذكره حميتي وهي تكلمني وويه ريلي وهم يحاول يخفف عني ..

ف غرفه العملياتـ ـ اتذكر انهم تموا يدخلوني من غرفه الين غرفه ..

صوت الدكتور مال التخدير … وعقب نشيت على ويعهـ ـ .. وسمعت الدكتوره تقول الحمد لله اتجاوبت وما اذكر..

عقب طلعوني .. وكنت مدوخه مووووول بس كنت ادق براسي يمين ويسار من الويع ..

مع ان البنج ما فج عني موووول ..

نشيت وكانت عمتي تقرا حذالي ..

وعقب نشيت ع صوت اليهال اللى ويا امهاتهم ف العنايه ..

دورت حذالي يمين يسار .. ما لقيته ..

وين ضناي ..

وين حبيبي..

عمتي قرتها ف عيوني قبل لا انظقها وقالتلي الولد ف الحضانهـ ـ ..

حسيت بغصه وموووووووتـ ـ ..

واللى زادني .. شوفي لباقي اليهالـ ـ ف احضان امهاتهمـ ـ ..

بس الحمد للهـ ـ ..

تميت ساكته ..!! بس يمكن الصدمه اللى مريت فيها نستني شوي امر الياهل ..

دخلت على السستر .. ومشتني غصب ودخلتني كرمتوا الحمامـ ـ ..

وبدلوليـ ـ ..

ونقلوني ع الحجرهـ ـ ..

>>>>> يتبعـ ـ