حبايبي بدش في الموضوع ع طول
انا بجر وحابه استفيد من خبرتكم في شراء اغراض البيبي عندي بعض الغراض لبيبي بعدني ما خذيتهم وعندي كم سؤال عن اسعار بعض المنتجات عسب احط احسابي بسبب ضغط المادي هالشهر واتمنى تفيدوني
1- كم سعر ادوات الاستحمام (موستيلا )وشو المهم الي اخذه من ها الماركه لبيبي ووين ممكن احصلها بسعر حلوو؟
2-وكم سعر كريم الحفاظات (سودا كريم ) ،وهل هو موجود بس في مذر كير ول ينباع في الصدليه ؟
3-وكم سعر شفاطة الحليب الكهربائيه (medela) وهل هي مهمه اخذها ول ما يحتاي ووين ممكن احصلها بسعر مناسب الان سمعت سعرها يختلف من مكان لمكان ؟
4-متى اخذ سرير البيبي ووين ممكن احصل سرير مستويات حلو وسعره مناسب ويسد لعمر 3 سنوات ؟
ومتى ممكن اخذ ها الاغراض والاغراض الثانيه لبيبي احين في اول الثامن ول انتظر لين ادش التاسع
وحفايض البامبرز وملحقاته تنصحوني متى اخذهم ها الشهر ول انتظر لين ما اولد بسلامه واجوف وزن البيبي ولي يناسبه وخلي ريلي يشتريهم بعدين ول ما يحتاي وزن البيبي الان الصراحه ما اعرف شي عن احجام الحفايض 
واتمنى ما اكون ثقلت عليكم بالاسائله بس شو اسوي قلت الخبره ومالي غيركم كروشااات
حفاض البيبي خذيه من الحين ويكون منذ الولاده احسن
اما عن جهاز الشفاط الكهربائي يكون ٣٠٠ وفوق
السرير خذي من الحين بس اهم شي الدوشق ماله يرتفع وينزل
بس نصيحه مني خذي الصغير الحين لحد مايكمل ٣ شهور وعقب دوري على راحتج منز كبير
كم سعر ادوات الاستحمام (موستيلا )وشو المهم الي اخذه من ها الماركه لبيبي ووين ممكن احصلها بسعر حلوو؟
2-وكم سعر كريم الحفاظات (سودا كريم ) ،وهل هو موجود بس في مذر كير ول ينباع في الصدليه ؟
بتحصلين بعد ف الصديليات والجمعيات الكبير ب34
3-وكم سعر شفاطة الحليب الكهربائيه (medela) وهل هي مهمه اخذها ول ما يحتاي ووين ممكن احصلها بسعر مناسب الان سمعت سعرها يختلف من مكان لمكان ؟
ماراح تحتاجينها أول شهور لأن حليبج بيبدا يدر مع الأيام وبعدين تحتاجينها إذا كنتي داومين والطفل يحتاج حليبج خديها
4-متى اخذ سرير البيبي ووين ممكن احصل سرير مستويات حلو وسعره مناسب ويسد لعمر 3 سنوات ؟
عندج بيبي شوب ومذركير أنواع وأشكال حلوه وأسعار مناسبه
ومتى ممكن اخذ ها الاغراض والاغراض الثانيه لبيبي احين في اول الثامن ول انتظر لين ادش التاسع
وحفايض البامبرز وملحقاته تنصحوني متى اخذهم ها الشهر ول انتظر لين ما اولد بسلامه واجوف وزن البيبي ولي يناسبه وخلي ريلي يشتريهم بعدين ول ما يحتاي وزن البيبي الان الصراحه ما اعرف شي عن احجام الحفايض
تقدرين تأخذينهم من الحين احسن عشان مايثقل عليج بالتاسع ويكونون جاهزين
ولا تأخذين كميات كبيره لأن البيبي يكبر حجمه وغير الهدايا
وباممبرز رقم 1 ممناسب للمواليد الجدد
الحيـن خذي كيس وحظي كم حبه احتياط لشنطة المستشفى
والله يسهل عليج حبوبه
وان شاء الله البنات يساعدونج
بس عندي سؤال اي جمعيه بتحديد في ابوظبي؟