الولادة مع السكري :(

السلام عليكم يا حوامل
الله يقومكم بالسلامة ان شالله
أنا داخلة أفضفض وأبث خوفي من الأيام القادمة،،
مثل ما تشوفون أنا خلاص وصلت للنهاية تقريبا،، مشكلتي السكري ومعاناتي النفسية معاه طول الحمل،، ومن شهر وأنا مب رايمة أضبطه دوم مرتفع،، غير اللضغط النفسي في مستشفى الكورنيش الله يفكني منهم،، وحاليا السكر دوم مرتفع وما يضبط الا نادرا ومستشفى الكورنيش ما عندهم غير يرقدوني وأنا ما أروم كل يومين أترقد يزيد التعب النفسي،،
خايفة من الولادة وايد،، وخايفة عالبيبي وايد وفي نفس الوقت ودي أربي بسرعة خلاص مب قادرة أتحمل تعب وضغط نفسي أكثر،،
شو تنصحوني

الله يقومك بالسلامة حبيبتي .. ما تاكلي هم شي .. ان شاء الله بتكون ولادة ميسرة وسهلة

حبيبتي ترا النفسيه بعد تلعب دور في السكري

والله ياأختي انا عايشة نفس معاناتك وانا الحين بأول السابع ولسه المشوار طويل ومثل ماقلتي ضغط نفسي رهيب واي شي آكله يعذبني ضميري انه اكون بأذي البيبي ودايما دايخة وتعبانة من فقر الدم
الله يعينا ويسهل علينا ولاداتنا ويحمي أطفالنا ، لكن كام يطلع معاكي السكر وانتي صائمة وانتي فاطرة ؟

الله يقومج بالسلامه انتي والبيبي

آللـه يسهل عليج أن شاء آللـه .. لأا تفكرين وأيد كل شيء بأيد ربج واللي آللـه كأتبه بيصير ..

الغلا النفسية تلعب دوور كبير
خليج ع الاكل الدايت و الخبز الاسمر و المشاوي وكثري السلطات
ابتعدي عن السكريات و الحلويات و المشروبات الغازية و العصاير ..وكثري من الماي
وعليج بالقران والصبر فديتج
هاانت و ما ببقى شي…اشغلي انتظارج الحين بالبيبي وحاجياته واغراض النفاس
وان شاء الله بيمر الوقت
ربي يسهل عليج باذن الله