زين حرية شخصية
بس اللي اعرفه علميااا انه الافضل عدم اشهار الحمل
في الاشهر الثلاث الاولى لان نسبة اجهاض وثبات الجنين
تكون ضعيفة
لكن الاقوى انج لما يجون يخبرونج فلانة حامل تقولين ماشاءالله
اي شهر يقولون توها حامل وهي اصلا بالسادس يعني عقب شهور بتولد
الحين لما بتولد ما بتتفشل لا ويزعلون اذا الناس اتحرو انها والدة قبل شهرها
اوكي العين حق ونسوا ان الله الحافظ
والعين اذا بتصيب سواء كنتي حامل او مو حامل
وحتي عقب ماتولدين
واتمنى من هالناس لما يولدون ما ينشرون خبر ولادتهم
عشان ماتصيبهم عين لا هم ولا عيالهم
ولا يخافون تضيع عليهم الهدايا او التبريكات صراحة تناقض
يبون الناس تفرح بولادتهم وما يبون احد يفرح بحملهم
تبا لاناس يشكون بانفسهم
فشيلة للي بتربي اصلا ..
انا الي مايخبرني بحمله مااخبره بحملي
عندي خالتيه ماعرفت بحملها الى بالشهر الخامس
مادري حسيت حركتها مب حلوه. وخاصه ان اختيه قبل كانت تسالها انتي حامل وتقول لا مع ان هذا ثاني حمل الها عشان جي مب ناويه ازورهااا يوم تربي
واكيد ماخبرتها بحملي بحسسها بالي حسيته بس *
وأعرف وايد ما يقولو وبالاخير يصير عندهم اجهاض
شو السبب ..؟ الشك والوسواس اللي بداخلهم عن الحسد
يعني الحين من قلة اليهال عشان ينحسدو خخخ
بس الي يوسوس ويخاف من الحسد هو الي يحسد عمره
تدرون يعني في ناس ما يقولون عن حمالهم وما يسألون غيرهم ولا يشرهون
لكن الشره على الي تسأل و تكذب غيرها يعني اذا سالت حد قالتلها توني داخلة الثاني
من وراها تكذبها وتقول مستحيل اكيد امطوفة الرابع وخاشة والخ والمسكينة صادقة
صرت اشوف الكتمان في كل الامور
الحياتيه احلى وافضل
واريح ..