الله يثبت حملي وحمل كل حامل يارب ويرزق كل محرومه يارب العالمين
بنات حبيبت ادردش معاكم بكذا شغله
الحمام المغربي بالنسبه للحامل والصبغه هل هو شي عادي او مضر للجنين ياليت اللي عندها خبره
وسئلت دكتوره تفيدنا وبعد حبيت استفسر بنات احس ابدا مالي خلق لشي والله ساعات استحي من عمري
ماحب اسولف ماحب اضحك على غير عادتي وايد عصبيه وكل احب اقعد بروحي يعني مثلا حد يسولف معاي يا اطنشه يا اساير
بس يكون واضح اني مش حابه اسولف متى بتخلص هالمرحله من الحمل فضيحه احس تحولت ومتى بقدر اكون رايقه
ولي بارض للطلعه وللكشخه وللسوالف احس ابد مالي بارض اي شي بليييييييييز فيدوني ولاتنسوني بصالح دعائكم
اللهم اني استودعتك جنيني يامن لاتضيع ودائعه فاحفظه وسهل حمله وولادته ونفاسه
وحسن خلقه وخُلقه واجعله من الصالحين ومن حفظة كتابك وارفع شانه امين يارب العالمين
مثلي تماما
مالي خلق اضحك واذا بسولف يعني مال مجامله و دوم اتحسس واتضايق وعصبيه ومالي خاطر اكشخ و اطلع موول … 
وبالنسبه للصبغ والحمام المغربي ..
انا جربت هالاثنين بالرغم انه الكل يقول لا مب زين مب زين بس خذت احتياطاتيي قبل ما سويت
سويت الحمام المغربي يوم كنت بالشهر الثاني بس خبرت الي تسوي ما تفرك بطني وما ترقدني ع بطني ويوم حزة تسوي البخار الحرمه خلت لي الباب مفتوح شوي عشان ما اختنق انا والبيبي …
والحمد لله كل شي عدى ع خير
وبالنسبه للصبغه انا جربتها بعد بالشهر الثاني بس ما خليت الصبغه وايد ع شعري وكنت طول الوقت مغطيه خشمي واهم شي انج تخبرينهم انج حامل عشان ياخذون احتياطاتهم …
وانا نفسيتي تعدلت من دخلت الرابع والحمدالله انا الحين بالسادس (:
النفسية اول الحمل وايد متعبة خاصة اول 3 شهور
انا وايد تعبت خاصة كانت ما عندي شغالة ل20 يم حسيت عملية انتحارية ما عندي شغالة وحامل ..قلت الله لا يبلى حد ..
بالنسبة للحمام المغربي والصبغة انا اشوفها عادي الا الي تخاف لا تجازف احسن لها..
انا خاطري الحين اقص شعري لآنه طول ماشاء الله لنص ظهري ويباله ترتيب اما الصبغ بعد الولادة باذن الله ربي يجعلنا من الاحياء