تجربتج أثناء الولادة

السلام عليكم والرحمة

تكمله للموضوع اللي انغلق
https://forum.uaewomen.net/showthread.php?t=361437

الموضوع كان وايد حلو وفيه تفاعل واكشنات
وللاسف انغلق لانه جديم

وحابه افتح موضوع بنفس المحتوى
لان شفت بنات يفتحون مواضيع منفرده عن تجرباتهم
او البعض يسالون اسئلة تختص بهالموضوع

واتريا تجرباتكم

بالتوفيج
للرفع

للرفع

للرفع

الله يسهل على كل حامل و يتم لليميع على خير ان شاء الله

ما جوف حد كتب المهم انا بقولكم قصتيه بولادتي الاولى كانو عاطيني تاريخ 30 /5 ولاده وكنت بجر مش مهتمه فلمشي وما اشرب اي شي وفتاريخ 26/5 يعني قبل موعدي الولاده بربع ايام كنت رايحه الحمام عزكم الله وفجأه حسيت بظربه قويه على تحت حتى خفت وقمت بسرعه هذا الكلام على الساعه 10 فليل بس وسولفت مع قوم أمي ما كان فيني ويع أبدا وساعه 3 الفجر ونا يالسه اسولف مع ريلي حسيت مثل المنان ياني وتم يزيد بس انا طقعت لاني متعوده من السابع إيني منان راح ريلي البحر مع إخوانه ونا ما خبرته انه فيني شي لان مش متوقعه اني بربي وقلت بحاول أنام ما قدرت رحت الصاله ونسدحت على الكرسي والخدامه تقولي ليش ما نمتي قلتلها ما فيني نوم وياني أبوي فديته قالي شو فيج قلتله ما فيني شي قال ليش ما تريقتي قلتله فيني لوعه وسوالي سندويج وأول ما مد ايده يتني ويعه ما قدرت أمد ايدي أخذ منه قالي شو فيج جذبت عليه قلتله فيني لوعه ورحت عنه دشيت غرفتيه ونسدحت وما في فايده تحملت الويع بروحي من اساعه 3 لين 10 اساعه 10 قومت امايه قالتلي جهزي نفسج تسبحي وتنظفي وخلج جاهزه وحسبتلي الويع كان كل خمس دقايق ورحنا الكرنيش على اساعه 12 وفحصتني الدكتوره وكان 4 س وظربتني صيحه قلت كل ها بس 4 ودوني الولاده وزاد الويع وعطوني أكسجين عشان يخفف الويع بس بصراحه كان يرقدني ويوم تيني ويعه ثانيه اقوم وعلى اساعه 4 فتحتلي الماي وقالتلي بوش قلتلهم لا ابا الحمام قالت ما فيه حمام هذا راس البيبي وقلت أخاف اسويها هنيه وبتلش وبعدين من قوت الويع قلت الي فيها فيها وشديت على كلامها وطلعت الي طلعت لي عيني وهاذي كانت قصتيه بولاتي الاولى

موضوع حلو بخبركم عقب شهرين يوم إربي
نتريا باقي البنات