الرحم المقلوب يمنع الحمل ؟

السلام عليكم

انا امست سويت فحص الصبغة للانابيب و الرحم و الحمدالله طلعو الانابيب مفتوحين بس ظهر انه رحمي مقلوب , سؤالي هو يؤخر الحمل الرحم المقلوب ؟ مين كان رحمها مقلوب وحملت طبيعي ؟ طبيبة المختبر الي سوتلي الفحص خبرتني انه ما في مشكلة ممكن احمل بالرحم المقلوب وهي بعد رحمها مقلوب وحملت مرتين بس انا قلبي مش مرتاح حابة اتطمن من تجاربكم , علما انا متزوجة من 4 سنوات و ما عندي اطفال و كل شي عند سليم في البداية كان التأخير من زوجي بس الحمدالله تعالج و صار زين ومع هذا ما صار حمل سبحان الله , معقول يكون السبب الرحم المقلوب ؟

الله يرزقج بالذرية الصالحة يا رب

ما عندي خلفية حبيت ارفع لج الموضوع وان شاء الله البنات يفيدونج

الله يطمئن بالج اختي
صراحة اول مرة اسمع بالرحم المقلوب
لكن دام ان الحرمة الي بالمختبر عندها نفس الحاله بعد وحملت بشكل طبيعي
عيل خلاص ان شاء الله قريبا ربنا بيرزقج بالعيال
وكلي امرج لرب العالمين

حبيبتي سيري ل ممرخه تعدل لج الرحم في حريم شاطرات ف هالشي وربي يرزقج يارب

عزيزتي أختي رحمها مقلوب
بعد المعاشرة التوجيه تنقلب علي بطنها عشان يوصل السائل للمبايض ويصير حمل
وهذا ما يمنع الحمل الحمد لله عندها ثلاثه أولاد
الله يسهل أمرج ويرزقج قرة أعين لج ولزوجج

ما يأخر بس الحمل يكون أفضل في وضعية واحدة و زي ما قالت لك الاخت تنامين على بطنك ساعة او ساعتين
بس عادي ربيعتي معاها 3 عيال و رحمها مقلوب بس من راحت للدكتوره قالت لها وضعية الحمل

هلا اختي انا رحمي مقلووب والحمدلله حملت ويبت بنتي والحين حاامل ،،
والرحم المقلووب مايمنع الحمل وسبحان الله من تحمل الحرمه يرجع الرحم لوضعه الطبيعي ومن تربي يرجع ينقلب ثاني،، سبحاان الله،،
،،
واحسن وضعيه لهالحاله انه الجماع يكون بوضعيه السجووود عسب يسهل للحيوانات المنويه توصل اسررع ،، اسمحووولي عالتووضيح بس عشان تكونين بالصوره،،
.،
والله يرزقج يالغاليه بالحمل،،