اللي. مرت بنفس مشكلتي.

السلام عليكم
خواتي العزيزات ?ن?ـMEـٌَِ?َِ ولدت من شهرين تقريبا بالسلامة الحمدللله لكن المشكله أن البيبي سوا جرح أول ماظهر طبعا تعرفون المكان أول مايظهر راس البيبي من داخل طبعا فسوو لي المستشفى عميلة لخياطة الجرح يوم رحت للدكتورة فالخاص قالت لي الجرح طويل شوي. والخياطة متبطلة. فسوت لي كوي لكن خيفانة من الجماع. أن يتبطل الجرح. و ?للّـْْ?ـْْہٌّ أحس أين اتبهدلت من بعد هالولادة. خواتي من مر بنفس تجربتي وكيف كملتو حياتكم لاني خلاص أحس عمري منتهية.

يا اختي كلنا مرينا بهالمرحلة
الاهم انج اتجيكين ويا دكتورتج
وتتاكدين ان كل شي تمام ومهيأ للجماع

انا كان عندي شق
القابلة قالتلي صغير
وقالتلي ما في داعي نخيطة
يعني تم مفتوح
وقالتلي بيلتأم بروحة

وعقب الاربعين سرت عند دكتورتي واتاكدت ان كل شي تمام ومارست حياتي طبيعي

والله الغالية لازم تتأكدي من دكتورتج..
ما ابي اخوفج بس بنت خالتي تبطلت الخياطة عقب الولادة بسبة الجماااااع..بس ما ادري شو حالتها هي يمكن ما كانت الخياطة صاحه زين؟؟من تحسي نفسج كل شيء طبيعي مارسي حياتج طبيعي
كانت جراحتي طووووويلة بمعنى الكلمة وكنت عقب الاربعين وما صحيت بس الحمدلله كانت الأمور طيبة ..
ولا تيلسين تتشككين وتخافين ولاتنسي اختاري مانع لج عن تحملين على البيبي وربي يحفظج ويحفظ البيبي..آآآآآمين

انا مثلج صار لي والدة 19 يوم وسولي خياطة ومن خمس ايام اكتشفت ان عندي 3 غرز مفتوحات ودكتورتي قالت عادي بيلتئم اروحه
لكن انا سرت لدكتورة ثانية وباجر ان شاء الله بترجع اتخيط الغرز و الجرح بشكل عام يباله 3 اسابيع ل شهر عسب يلتئم وانتي ما شاء الله شهرين خلاص يعني
و الماي والملح معروف انه يلئم الجرح بسرعه جربيه و جوفي دكتورتج واطمني اكثر ..

ما عندي فكرة بس حبيت اقلج ما تشووفين شر و الله يشافيج و يعافيج

الله يعينج معاناه بصراحه