مساااء الخير شحالكم عساكم مرتاحين
عاد اليوم فضيت و ريحت الحمدلله بخبركم قصة ولاادتي اللي ما توقعت انها تكون جذا لاكن الحمدلله على كل حال،،،
قبل موعدي ب 10 ايام تقريباا كانت عندي مراجعه عاديه بس قالو لي ان الماي ناقص شوي بس كل شي طبيعي الحمدلله و عقب 3 ايام سوت لي موعد غيره و سرت و نفس الشي بس انا ما كان ينزل علي الماي المهم عطتني موعد عقب اسبوع و سرت و سوو لي تخطيط قالو ان النبض خف و الحركه قليله
ومفتوح بس 2 سانتي هنيه انا خفت قالو لازم اتمين عندنا اتصلت ب امي و ريلي كان يتريا و خبرته و امي يت على طول فديتهاا و ريلي تم ويايه ، الدكتوره قالت بحط لج تحميله طلق 
المهم دخلت عالساعه 8 المسا و عقب نص ساعه يت و حطت لي التحميله قالت بنت لين الساعه 2 او 3 لو ما شي طلق بحط غيره و هي بتسير و لو في شي بترد تمن عندي النيرسات و القابله مر الوقت و هن كل ما اين يخوفني و يروحن يشوفون التخطيط قلت لهم خلوني امشي مب طايعات اونه خلي التبض يصير طبيعي و عقب بنخليج لين الساعه 2 قلت لهم خلاص ابا امشي و مشيت لين تقريبا لين3 الا ربع و رديت عالكرفايه و كان مفتوح 5 سانتي بس و ما شي طلق دقو حق الدكتوره و خبروها ان النبض نفس ما هو تعبان و طلق ما شي قالت لهم قصو الكيس ااااااه اكررره هالشي بس الحمدلله المهم و قصو الكيس في طلق بس خفيف يروح و يرد تمو لين الساعه 5 و ربع تقريبا حطو لي طلق الوريد هنيه انا شفت الموووووووووت ما كنت اقول الا يا رب اتصلو بالدكتوره و يت و كان فاتح عندي 7 بس و الالم موت ف ظهري الضربات يوم وصلت الدكتوره فحصت قال 8 و الراس بعده فوق اناااا هنيه جيه سويت 
و يلست اصيح بس بدون دموع
قلت لها ليش انزين شو السبب سارت الدكتوره بتغير لبسها الا و اييني ذاك الطلق حسيت انه الياهل بيطلع قالت لا بعدها و اسوي بوش بروحي لا دكتوره و لا غيرها بس هي كانت مجابلتني تشوف و هي تلبس السسترات شافو الراس صرخو صبري صبري بتتعورين بسرعه يو حاولو يساعدوني و الحمدلله طلع الراس و طلعت وصايف ال حمدلله شعور لا يوصف صدق يت حياااتي بنتي صغيروووووونه 
و يت الدكتوره سوت خياطه 
اكره الخياطه اكرهههااااا بس الحمدلله
و امي و ريلي اللي كانو عندي ربي لا يحرمني منهم
بس هذي قصة ولادتي بس وايد تعبت وايد الحمدلله
الله يخلي لج بنوتج وتفرحين فيها
ام سلطان انتي كنتي تشربين مشروبات شعبية ؟
هذا الشي اللي خلا النبض يخف لانه فيه اسباب ثانية منها التفاف الحبل السري لكن ما بينتي هالشي؟
شكلج كنتي وايد تشربين خلطات وتحفيز بدون استشارة طبية
الحمد الله على سلامتها وسلامتج
وتتربى بعزكم يارب
و الله يجعها ذريه حسنه و باره
عقبالي اكتب قصه ولادتي هني هههه
الله يهونها علينا يارب