مستشفى برجيل ارجو المرور

السلام عليكم حبايبي انا حامل بالشهر السابع وبفتح ملف بمستشفى برجيل بابوظبي حد يعرف عنها شي وابا دكتورة زينه هذا اول مولود لي محتارة وخايفه ارجوكم فيدوني اللي مجربه او اللي تعرف حد مجرب الولادة هناك او اي معلومه تفيدني ارجو الرد

والله ياختي الله يسهل عليج
حد يمدحه وحد يذمه
حاليا أنــ ـƠ̴̴̴͡ـ̮Ơ̴̴͡ـآ فالشهر الرابع ومن اول شهر أنــ ـƠ̴̴̴͡ـ̮Ơ̴̴͡ـآ اراجع عندهم ويوم اخبر ربيعاتي حد يقولي انتبهي تربين فيه وحد يمدحه ماعرفت الصراحه بس أنــ ـƠ̴̴̴͡ـ̮Ơ̴̴͡ـآ بعده جدامي كم شهر لين اقرر
الله يهون عليج انتي ويرزقج الذريه الصالحه
دعواتج الغاليه
والسموحه

تسلمي الغاليه الله يتمم عليج ويهون عليج حملج وولادتج ويرزقني ويرزقج الذريه الصالحه

يمدحون الدكتورة ارونا وهيام .. بس للعلم انا ماراجعت عندهم ابد فالحمل ..

مرحبا اختي
انا في الشهر التاسع و اراجع عند دكتوره ارونا هي استشاريه و واااايد زينه ماشاءالله و هي بتولدني ان شاء الله
المستشفى ماعليها كلام الدكتوره و نيرسات طيبين و حبوبين و الدكتوره تعاملها وااايد حلو و تعطيج فرصه لاي سؤال و تهتم لكل تفاصيل و ابدا لاتخافين و طمني مكان راقي و دكاتره فاهمين

و حرمة خالي مربيه عندهم من 5 شهور واايد تمدحهم و تمدح تعاملهم و خدمتهم و ترا عندهم كللللل شي لحد يقص علييج و يخوفج من المستشفى و يظهر لج عيوبها ترا المكان لا يعلى عليه و حطي فبالح اللي يقعد يتفلسف عليج من المستشفى دخلي من اذنج اليمين و ظهري من اذنج اليسار الحين محد يحب الخير لحد هاي نصيحتي استخيييري في المستشفى و عقب اتصلي و حجزي موعد عند دكتوره ارونا او هيام كلهن زينات بس انا فضلت ارونا لانها استشاريه و هيام اخصائيه
و ربي يتمم لج على خير

مشكورة ياقلبي الله يسهل عليج ويقومج بالسلامة والله كلامج ريحني اليوم ريلي سار هناك واخذلي موعد عطوه اكثر من اسم دكتورة فاختار هيام يقول سوريه اصلها وانا من سوريا اونه نفهم على بعض ههههه
جزاج الله خير حبوبه

العفوو فديتج و زين سويتي خخخخ تفهمون على بعض و الله ييسر امورج و تربين بسلامه و صدقيني ماراح تندمين ترا هالدكاتره ما يووا من المريخ يايين من مستشفيات ثانيه و تيمعوا في برجيل هاي الفكره و شي دكتوره من الكورنيش بعد و شي من المفرق و شي من كذا مستشفى اطمني و توكلي على الله