عضله القلب والحمل بتوام

السلام عليكم. ابي استفسر من اي وحده مرة بنفس تجربتي. انا حملت بتوام ولله الحمد واثناء الحمل اصبت بضعف عضلة القلب وقالوا لي مرضي مرتبط بالحمل وسيزول بعد وضعي. وبعدما وضعت توفت بنتي بعد شهريين بسبب عيب خلقي في القلب اسال الله العوض المهم استمرت معاناتي لست اشهر ومن الله علي بالشفاء المصيبه الحين الدكتور يحذرني من الحمل مره ثانيه والا بيرد علي المرض واحتمال لا ما يرد والحين خايفه من المجازفه ابي اسال مين مرت بهذه التجربه ومرت عليها بسلام او جازفت وندمت اخواتي لا تبخلون علي بالرد

ماعندي فكرة
بس دشيت ادعيلج ربي يقدملج كل الخير
ختيه لاتودرين سورة البقرة يوميا والاستغفار والدعاء فالسجود وتطويله وبتشوفين عجائب قدرة ربج

الله يشفيج اختي
ويرزقج بالذرية الصالحه المعافاه

الله يشافيج ويرزقج الذرية السليمه المتعافيه .. راجعي اكثر عن دكتورة عسب تطمنين اكثر

الله يعينج ويعوض عليج ويشافيج انا انصحج انج تريحين جسمج الحين وبعدين فكري بالحمل بعد استشارة اكثر من دكتور واسمعي الاغلبية شو بيقولو لج وبعدها توكلي على الله

الله ايسرلج امرج والافظل انج تستشيرين اكثر من دكتور كلام الدكاتره يشيب الراس ماتعرفين منو الصادق منهم وربي يرزقج بالذريه السليمه المعافاه يارب

الله يعوضج يختي على الطفل اللي فقدتيه

و ربي يشافيج و يعافيج و ان شاء الله تحملين بصحه و سلامه بدون مشاكل