سبق وكتبت موضوع استفسر فيه عن سكر الحمل بس محد رد علي.
لما سويت التحليل قبل الأكل ظهر 98 وقالوا مرتفع المفروض يكون أقل عن 94
وعقب ما شربت الجلكوز وصل 207
وقالوا خلاص انتي فيج سكري الحمل ؤلازم تسيرين
عيادة السكري.
ورحت وسويت موعد قريب وعطوني من القسم دفتر المتابعه وقالو لازم تأخذين الجهاز وتسوين التحليل بروحج بالبيت بس عطتني أكتب قراءة وحدة عقب الأكل بساعه بس.بعد الريوق وبعد الغداء وبعد العشاء.
كان يرتفع عندي يوصل 180 مرات 160 مرات 170
ومرات لا يكون طبيعي 140 و130 و126
ولما راجعت عند الدكتور احتشر أن كيف انتي جي كاتبه لازم تكتبين قبل الأكل كم كان وبعد الأكل كم عشان نعرف العلاج اللي نعطيه لج.
رجعت واكتب القراءات مرة ثانية قبل الريوق وبعد الريوق بساعتين وقبل الغداء وبعد الغداء بساعتين وقبل العشاء وبعد العشاء بساعتين.
وطلب إسوي تحليل مخزون السكر وخبروني أي يوم بتظهر النتيجة واستفسرت قالوا طبيعي جدا" التحليل.
أنزين إللحين القراءات تظهر قبل الريوق 80 مرات 91 مرات 70 ومرات أقل بعد وعقب الأكل 123 ومرات 120 ومرات 130
وقبل الغداء بعد نفس الشي توصل 90 ومرات 84 ومرات111 وعقب الغداء 130 أو 120
تشوفونه طبيعي وألا صدق متخوفه،والدكتورة قالت لي حجم البيبي زين وكل شيء زين ؤلا تخافي.
عندي موعد باجر بعيادة السكري وأخاف الدكتور مايصدق هالقراءات مع أني والله جي تظهر وجي أكتبها
ؤخواتي يقولن يمكن قبل لا تسوين الجلكوز بيوم كنتي ماكله سويت أو شيء دسم.
حد يطمئني الله يخليكم اللي بالمختبر اللي شافت مخزون السكر قالت انتي مافيج شيء.
ماعندي فكرة
ومادري والله كم كان نسبة المخزون بس كنت موصيه
وحده أعرفها أتداوم هناك وقالت بأنه طبيعي جدا"
شوفي اختي الدكاتره وااايد يحبون يكبرون الموضوع و يخوفونا بالنسبه للسكر. و لو البيبي حجمه و كل شي فيه طبيعي فلا تحاتين. اهم شي بعد كل وجبه دسمه بعدها بساعتين تقسين السكر لو طلع وايد عالي حاولي تتجنبين الوجبه اللي كليتيها. الوقايه خير من العلاج و ان شالله يوم بتربين بتاكلين كل اللي فخاطرج. شوفي بقولج شي قالت لي اياه دكتورة السكر و هذي نصيحه من ذهب الصراحه و تنصح فيها كلللل مرضاها.
ان كلتي مثلا نشويات وايد يعني عيش و خبز او بطاطا و لا قطعة سكر مثلا ،، طبعا عقبهم بفتره بتسوين فحص السكر و عسب ما يطلع عاااااالي ،، اكلي خياااااار حبه ثنتين عشر ع قد ما تقدريييييييييين عادي الخيار يقولج شرات ابر الانسوووولين ينزلج السكر ف لحظات انا اذكر كنت كل ما كليت اكل مب صحي اكل خيار والله انه نسبة السكر تهبببببببببط و حتى قلت هالمعلومه لابوي و اهلي كلهم و احين يشكروني عليها.
و لو تلاحظين الدكتورة تقولج اكلي سلطه ع قد ما تقدرين ان شالله صحنين عادي ..
و لا الحل الثاني انج تمشين نص ساعه بس,،، و باذن الله ما فيج الا العافيه
السموحه ع الاطاله بس حبيت اشارج تجربتي :::::