مشكله عن الرحم القصير موضوع هااااام جداً

هالمشكلة اتواجه كثير من الحوامل والمصيبة ان لازم اتصير عندها ولادة مبكرة عشان الدكاترة ينتبهون ان هالحامل اتصير عندها هالمشكلة ..
سؤالي مع كل هالتقدم في الطب وكل هالفحوصات اللي يسوونها للحامل ليش كل دكتورة ما اتسوي هالفحص لكل حامل اتمر عليها ؟؟!!
ليش ثقافة قصر عنق الرحم معدومة عند الكثير من الحوامل ؟؟!!
وليش اللي اتعاني من هالمشكلة لازم اتمر بتجربة ولادة مبكرة او تفقد جنينها لاسمح الله ؟؟!!

المفروض هالثقافة تعمم على كل الحريم اللي يبون يحملون سواء كانت بجرية والا لا ..
لان هالمشكلة ممكن تواجه الحامل في اي حمل اتمر فيه وموب شرط اذا في حملها الاول ماقصر عندها عنق الرحم معناه في كل حمل ما بيقصر
اوجه نداء لكل طبيبة ولكل حامل انهم ينتبهون لهاي النقطة .. وحتى لو الطبيبة ماكانت حريصة الحامل لازم بين فترة والثانية تطلب من الدكتورة انها اتقيس طول عنق الرحم وكلما اكتشفت ان الرحم بدا يقصر من البداية يكون الحل سريع وسهل اما لو اكتشفت انه قصر عقب ما يوصل نص سانتي المشكلة بتكون كبيرة
في مرهم مهبلي اسمه كرينون ممتاز يطول عنق الرحم ويأجل الولادة باذن الله وفي تحاميل سايكلوجست وغيره من ابر مثبته تنعطى في مثل هالحالات ..
العلاج موجود ولله الحمد بس المشكلة ان قلة اللي يعرفون هالمعلومة عن عنق الرحم
والمشكلة الاكبر ان بروتكول متابعة الحوامل مافيه فحص طول عنق الرحم
والمشكلة الاخيرة ان وااايد من الحوامل ما يرضون بالسونار الداخلي يعني حتى لو الدكتورة قالت لها ابا اتاكد من طول عنق الرحم ترفض واتقول ما ابا سونار داخلي مع العلم ان طول عنق الرحم ينقاس بالسونار الداخلي والدكتورة ما تقدر اتشوفه من السونار الخارجي
وفي معلومة مهمة بعد .. لازم الوحدة لما ايقيسون لها طول عنق الرحم اتكون على مثانة فااااضية لانها لو كانت مليانة القراءة بتختلف والقياس بيكون اطول عن الحقيقي
اتمنى اكون افدتكم ويارب نصيحتي تؤخذ بعين الاعتبار من قبل كل حامل ..