اول مرة اكتب موضوع لي هني … بس جد جد محتاااارة ومب عارفة اخذ استشارة منو -_- قلت يمكن حد فيكم مر او سمع بهالشي
فأول حمل لي كان كل شي سليم الحمدلله ، نزلت عندي المشيمة على الشهر السادس ، وردت ارتفعت على الثامن و رجع كل شي طبيعي
من دون اي مشاكل صادفتني طول ال9 شهور..
وقت موعد الولادة ماياني الطلق ، واتريوو علي اسبوع وبعد ماياني الطلق .. طلقي بارد كله اييني منان بس…
المهم عطوني طلق صنااعي واتعذبت 11 ساعه لين فتح عندي 10 سم ..
وقت الولادة البيبي مب راضي يطلع طبيعي ….عاااالق
وبووووش وبوووووش ومافي فايدة …
سوولي شفط مرتييين وبعده البيبي مب طايع يطلع
يشوفون راسه قريب بس مب طايع يندفع على برع ويطلع
المهم تلاحقووني لانه نقص عند البيبي الاكسجين
وسووولي قيصريـــــــة
عقب ماخلصنا كل شي
دكتورتي اتفاجأت انه البيبي كان عالق لانه (((( الحبل السري كان قصير)))) 17 سم بس وبالقيصرية عرفت هالشي … عيب خلقي .. من جي ماكان يقدر يطلع!!
قالتلي اول مرة تمر علي هالحالة!!
وقالتلي المفروض كل ولاداتج اليايه تكون قيصريه , لانه هذا عيب خلقي مانقدر نشوف "طول" الحبل السري بالسونار طول ما أنتي حامل….
فـ لاتجازفين عشان لاتمرين بنفس السالفة والمعانااااة وممكن يتأذى البيبي ( لانه الله رحم ولدي وطلع سليم من دون ايه اعاقات -_-)
السؤال:
في حد سمع بهالحالة؟ او مر فيها
انا الوحيدة من عايلتنا صابها هالشي .. يعني محد عنده خلفية! ومب وراثي
صدق مايقدرون يشوفون طول الحبل السري يوم انا حامل؟؟؟
وعطوني دكتورة شاطرة اقدر استشيرها قبل لا اقرر احمل المرة الياية . فالشارجة او دبي؟؟
اتريااا ردودكن 
انا اعرف وحده نفس الشي الحبل السري عندها قصير وولدوها قيصري بس الحمدلله البيبي الثاني طبيعي
فلا تحاتين ان شاء الله تتتيسر اموورج عالولادات الثانيه وماتحتاجين قيصريه..
وبعد استشيري كمن دكتوره عشان تطمنين..
الله العالم
هيه ليش تحكم عليج بالقيصري كل مرة ماتعرف شو الله كاتب .يمكن مايكون البيبي الياي حج
وان شاء الله في حملج الثاني ماتمرين بنفس الحاله
الله يسهل ولاداتي الياية ان شاءالله . .