عملية ربط المعده

السلام عليكم بنات اشحالكم
انا اختي سوت عملية ربط المعده بتاريخ 25/8/2017 يعني قبل 3 ايام في مستشفى النور عند دكتور عبدالسلام الطائي في بوظبي
ما تعرف شو تشرب من عصاير وسوائل وحاسه بدوخه
وعندها الم تحت الصدر وكل ما تتصل حق الدكتورمشغول في العمليات ما يرد عليها
وما تعرف شو اتسوي وحتى الجرح للحين ما اتعرف اذا اتغسلها والا لا هو للحين ما شال اللزج ارجو منكم المساعده

هلا اختي
اول شي الحمدلله على سلامتها
بالنسبة للاكل اختي هالفترة بالذات تعتمد على السوايل العصاير والشوربا ت و لازم تكون الخفيفة مدة اسبوع لاسبوعين بالكثير وشوي شوي بتبدى تاكل وطبعا في البداية يبيلها تبعد عن الاكل الي يطول بالهضم مثل اللحم وهالشغلات وترى من نفسها ماراح تحس بالجوع
واذا فيها دوخة تاخذ الفايتمينات الفوارة
وبالنسبة للجرح اختي تستخدم المطهر العادي لكم يوم بس والالم الي تحت الصدر عادي حتى لو جاها بكتفها اليسار الم ترى عادي
وماتشوووووووووووووف شر يارب

ما عندي فكره بس سلامتها الف سلامه وما تشوف شر

مرحبا اختى … اول شى تكثر من شرب السوائل بالذات الماى وعصير التفاح الخالى من السكر لمده اسبوعين تقريبا وبعدين اذا بتاكل تاكل كل شى مهروس مثل هريس وفريد وشوربه
وبالنسبه للدوخه شى طبيعى لانه جسمها يفقد فيتامين وسوائل فى هالفتره وبعدين تاخذ فيتامين الفوار وايد زين ومفيد عشان مايتساقط شعرها ومايستوى عندها ضعف هى بتنزل فى اول اسبوعين اذا استمرت على السوائل تقريبا 10كيلووات ودائما بتحس بالشبع .. "ملاحظه "" يجب الامتناع عن الحلويات نهائيا لانها لو كلت واراح تستفيد من العمليه شى "" واى سؤال حبيبتى انا حاضره لانى انا مسويه نفسها . والله يعطيها الصحه والعافيه . نسيت؟ بالنسبه للالم عادى بيتم تقريبا شهر وبتحس مثل شى ثجيل فى بطنها والجرح تحاول انها تطهره يوميا وتغير الشاش وسلاكتكم… ارجو انى افدتج الغاليه.

انا تروعت والله سلامتها الغااااليه ليتها سوت رجيم ابرك الها

ان شاء الله تستفيد يارب .. وماعليه من يبا الزين يصير ع الشين والحمدلله على سلامتها

هلا اختي الحمدالله ع سلامتها

بس ع جم سوت العملية