معقول بنات الصدق ان التقويم الاسنان يخلي الوحدة تنزل الوزن المطلوب صدق عندها خلفية عن الموضوع اتخبرني
سمعت من مجموعة من البنات هذا الكلام
اتريا تعليقاتكم يا بنات خخخخخخخخخخخخ
لا حبيبتي التقويم ما ينزل ولا شي
كلااااام كنا نسمعه قبل بس ..
عن تجربه التقويم اول ما تحطينه مول ما ترومين تاكلين
الا مثلا الروب وهالسوالف لانه شي يديد ع الحلج وصعب ما تقدرين
ترمسين ولا تضحكين ولا تاكلين الا اذا بتقصين كل شي صغير صغير وبعد بيعوووورج
لانه الحديد ماله يطرطر شفايفج من داخل من فوق وتحت الم الم يعني
فطبيعي ما بتكون لج نفس للاكل مش انه يظعف ولا شي..
وبعدين هاكله مال اول شهر شهرين بس من تحطين التقويم وعقب عادي بترومين تاكلين شرات قبل
ويختلف من انسان للثاني يعني في ما يروووموووون ياااكلووووون موليه
وفيه ياكلون وما عليهم من شي وكل يوم التقويم مكسر من صوب خخخخخ ^__^
ومرت اخوي بعد من حطت التقويم نقصت عشرة كيلو فشهر تقريبا
وهذا لانه التقويم كان متعبنا وكنا مانقدر ناكل..
على فكرة انا شلت التقويم من متى …بس والله يوم ضعفت شكلي صاار حلو
والكل قالي شكلج محلوة واااااااايد فعسب جييه الحين قد ماقدر اخفف اكل
ومرت اخوي بعد نفس الشي من نزل وزنها وهي محافظة عليه .
انا ماجربت
بس ان شاء الله قريباا
بس اختيه مجربه واايد ضعفت اول شهر سوائل واشياء خفيفه بس تاكل اشياء مهروسه وخبر صغاار
كل شيء تنتفه جنها عصفووور
الفاال عندي ياارب ادعوولي
أنا حطيته مرتين
أول مرة حطيته كنت وايد ضعيفة … وما حسيت وايد بالفرق … بس شهيتي كانت طول اليوم مسدودة … لأنه أكلي كان كله سوائل … وبعد فترة صرت اكره شي اسمه سوائل من جيه جسمي تعب …
وبعد كل موعد نفس الحالة تييني … كل ما يشده الدكتور … احس ما اروم احرك فجي … واوقف أكل …
وشي بنات يقولون عادي التقويم ما يأثر عالشهية … ويأكلون عادي …
بس سمعت انه هو ينزل الوزن وااايد وااايد من البنات نزلن من التقويم بس عنس انا ما اثر فيه