خواتي الغاليات
شلونكم ؟ شخباركم؟ عساكم بخير ..
كتبت الموضوع .. عسب أتطمن أو أتشجع أو حتى أقدر أتخيل مصير جسمي اللي كرهته ..
نفسيتي صارت داون
كل ملابسي ضيجه علي
جنزاتي ما أقدر ألبسها
حتى تنانيري ولبسي الكشخه كله ضيج ..
صرت أغلب شي ألبس قمصان واسعه ..
وزني صار 70
يعني زايده 12 كيلوا عن وزني القبلي
بصراحه أنا قاعده أسوي ريجيم
بديت من فتره
قطعت العيش تماما
ومرات أتعشا ومرات لا ومرات آكل بس أكل خفيف
يعني روب .. أو جريب فروت
أتريق أول الصبح وعقب ما آكل شي
أروح أمشي ساعه ( مب يوميا بس لما يكون عندي وقت )
ومرات أستخدم جهاز المشي ( 20 دقيقة أو نص ساعه )
بس القهر ان وزني ثابت وما ينقص
ليش؟؟
أنا ذابحه عمري وآخر شي ما أشوف نتيجة.. .gif "12 (29)")
صح اني حاسه ان صحتي أحسن وحاسة عمري أخف لكن ما نقصت ولا كيلو
أنا مشكلتي ان الدهون متيمعه عندي بمنطقة البطن والأرداف لكن أطرافي ضعيفة..
متحسفه وايد على جسمي وأتمنى أرجع بس نفس قبل
أتمنى حد يفيدني
أو يخبرني شو أسوي عسب وزني يتغير وما يتم ثابت جي
.gif "12 (49)")
كثري السوائل وشرب الماي
إتريقي ريوق صحي وغداوالعشاء خليه خفيف
كثري من الخضروات والفواكه
ولا تنسي تسوين فحص للهرمونات
وبالتوفيق حبيبتي
مشكورة الغاليه ع النصايح
بس أنا سويت هذا كله ما عدا فحص الهرمونات
لكن ماشي فايده ؟
انزين ليش أسوي فحص الهرمونات
شو فايدته؟
فقالت الدكتورة ان من اسباب ثبات الوزن ان الجسم يكون اتعود على نوعية الاكل او انك حارمته من وايد اشياء ضرورية
فقالت انه اذا كان الواحد ياكل 3 وجبات يخليها 4 فقالت يلعب على حسب الوجبات
والعشا يخليه فواكه وزبادي ورياضة باستمرار