بقولكم تجربتي بس ابا منكم الدعوه الحلوه
الله يسلمكم وحده عطتني مغات وهالمغات عبارة عن شراب ساخن وهو من مصر لكن منوين ممكن نوفره لو نباه ( خواتنا المصريات ممكن يفيدونا )
وعلى فكره يا بنات طعمه لذيذ يعني ما تحسين ان انتي تسوين شي غصبا عنج بالعكس تشربينه كأي مشروب ثاني
بنات انا كنت من مدمنات الشاي الحليب الصراحه ابتعدت عنه بس لازم الصبح طبعا لاني لاحظت ان الشاي الحليب هو اللي يسد النفس وما ناكل شي لكن من يوم بطلته انفتحت الحمدلله نفسي شوي للاكل
بعد بقولكم عن شي يمتن وبتحبونه عصير مانجو مع حليب (يعني تشترين دبة عصير مانجو او تعصرين لو عندج على حسب الرغبة وتصبين في كوب مع ربع كوب حليب فريش طويل الاجل اي شيء وتخلطينهم بس ما يكون نيدو )
كل يوم تشربون منه قبل ما ترقدون منه يا سلاااااااااااام يمتن ولو تبين اكثر من مره في اليوم شي راجع لج
وبعد عندكم في سواري في الخالديه خلطة العسل اللي تمتن وطعمها حلو
وقبل هذا كله خلونا نتبع سنة النبي صلى الله عليه وسلم في ان يوم تنشون لصلاة الفير حطي قفشة عسل على كوب ماي دافي يعني ما يكون بارد واخلطيهم عدل واشربيهم ولو يكون مقراي عليه يكون احسن يعني بروحج تقرين مب لازم حد يقرا اولا طبقنا السنة وشيء ثاني صحي وحتى سووا سيرج على الماي مع العسل على الريق وشوفوا كيف
وبقولكم شي الصراحه خلطة سواري متنتني يمكن مع العسل اللي ع الريق زدت 6 كيلو الحمدلله في ثلاث اشهر او اربع وبعدين تعبت وما قمت اكل شي ابد ولا العسل ولا الخلطه بعدين استخدمت الحلول فترة ونقصت كيلوين بس الصراحة حسيت براحه لاني اتسممت في اكل من مطعم طلبته بعدين رديت لسوالف المغات والعسل وعصير المانجو مع الحليب وماشاء الله احس اني وايد اوكيه
ولا تنسوني من دعواتكم الحلوه ان الله يحقق لي اللي في بالي