قصدتي مع السمنة :
… من 5 أو 6 شهور وزني وطولي وايد أوكيه… بس لأني مريت بظروووف جدا جدا جدا قاسية …
كنت ألتهم كل شي جدامي… وأسير شوكلالال وآشتري لي علبة كاملة 70 حبة وأبلعهم وما أحس…
و3 سندويشات آكل… ويمكن 3 صحون عيش وغير الشوربا… تعذبت بس ما كان يأثر على جسمي…
الكل يقول ماشاء الله تاكلين وما تمتنين… سبحان الله من ثلاث شهور وصل وزني 63 …
وكان في العادة 55 أو 58 إذا كثر….إنصدمت والله… وبديت ألاحظ الكابوس .. قصدي الشحوم متراكمة…ولا خصر ولا تقاسيم .. ولا شي… كله جبال وهضاب… وصراحة لاحظت إني إسمريت 
سويت رياضة في النادي … حسيت عمري ثجييييلة ابشكل والله.. قلبي عورني على حالتي….
الحين أنا متأزمة… إدعوا لي يتيسر أمري بنات…..
بعد العيد بإذن الله عندي مناسبة… ولازم أضعف 10 أو 15 كيلو…لازم لازم لازم….
وإلا وداعا للجمال والرشاقة …
المهم الرمضان فرصة ذهبية لي…
ولغيري بعد…
والحمدالله الصلاة ابروحها رياضة جسدية وروحية للإنسان….
أنا طولي 156
وزني الحالي 65
الوزن المطلوب = 55 
وباجر رمضان … مبروك عليكم الشهر…
جدولي بيكون السحور:
ماي ساخن مع ليمون … قبل السحور بشوي… وهذا يضعف وااااايد
عقب 7 تمرات + لتر ماء+ بيضا
جدول الفطور:
10 تمرات + لبن + شوربة وكلما أجوع بكل فواكه وخضروات فقط…. مع كثرت شرب الماء
على فكرة أنا آخذ حبوب فيتامينات بعد…. وأشرب حلبة …
أبا أضعف ابشكل تدريجي محافظة على صحتي… وأبا أكون خفيفة للعبادة… كثرت الأكل تخلي الواد يتكاسل…
ويارب ييسر علي وأوصل لمنالي…
على فكرة بنات أنا أعاني من تكيسات المبيضين … والدكتورة عطتني حبوب ولازم على تاريخ
5-9-2017 أنزل تحت ال60 وإلا بتذبحني…
أدعوا لي بنات الله يوفقني ويسهل علي وييسر أمري…
والحين أنا بحط منبه على وقت معين كل يوم بدخل إن شاء الله وبقولكم شو أكلت وكيف كان يومي…
أختكم
جمولة
يارب تضعفين 15 كيلو
يارب تضعفين 15 كيلو
يارب تضعفين 15 كيلو
يارب تضعفين 15 كيلو
وترجعين مثل قبل وأحلى بعد ،،،
آمييييييين
مآشآء الله عليج شكلج شآده الهمه عقبـآلنآ
والله يبلغج مرآدج
بس قريت انج تشربين الحلبة !!
الحلبة تمتن وايد خففي منهآ ^^
وبالنسبه لتكيس المبايض نفسي والله : (
مليت من الحبوب ولازم أنزل بعد لين أول 60 ..
وأنا ان شاء الله ناويه أخفف وايد فرمضان لأني مصختهآ <<دببه خخخ
ويارب تضعفين ..
وموفقة
وانتضروا تقريري اليومي إن شاء الله
اليوم 1-رمضان
السحور ما تسحرت …
لأن أمس كانت عندنا عزيمة وكلنا من كل شي….
بس البداية من اليوم بإذن الله….
لازم أسوي رياضة للخصر… أنام على جنبي وأفع وأنزل ريلي خمسين مرة من كل صوب وابسرعة 3 مرات ….
الحين بخليكم … وأعود إليكم إن شاء الله بعد الفطور…
لا تنسون القران والذكر… والدعاء…
ادعوا لي يتيسر أمري….
جميلة