VLCC >> او اللي تسال عن مساج تكسير الدهون وشد الجسم

هلا بنات من يومين سرت vlcc ..

والصراحه حبيت نظامهم ..
اكثر شي حبيته انهم يوم يسون لج مساج يحركون الدهون
اللي متيمعه وتقدرين بجي تحرقين السعرات بسهوله من غير انج تنزلين في قياساتات وايد ..

ربيعتي نقصت في اسبوعين 6 انج من بطنها .. وربعتي ثانيه .. جسمها واايد ترتب وانشد..

بس نصيحه عطوني اياها ربيعاتي اللي جربوهم ::

قالوا لي اذا بتسيرين وما بتلتزمين ب الدايت والرياضه ..
تراج مابتنزلين وايد وجي جنه عقيتي بيزاتج في الزباله ..
فاللي بتسير لازم تلتزم بكل الاشياء .. عشان تشوف نتيجه حلوه وترضيها ..

يفتحون من الساعه 8ونص الصبح لين 9ونص المسا

طبعا اول شي الاستشاره مجانيه ..

يحدد لج ويفهمج كيف نظامهم و الاشياء اللي بيسوونها و يحدد لج المبالغ و انتي تختارين ..

شو اللي يسونه ..

1- دايت = اتابع وياج دكتوره
2- مساج تكسير الدهون
3- سونا .. يلفونج ب شي ويخلونج لمدة ساعه وشوي
4- مساج للويه .. خاصه المنطقه اللي تحت الفج .. اللي يوم يزيد وزنها تستوي لهم..
5- مساج شد الجسم عشان التهلات ..
6- اشتراك في الجم مالهم وهذا مجاني مع الجلسات..
يقولون عندهم كم جهاز مب واايد بس انا ما شفتهم

يكون لج في الاسبوع 3 جلسات .. من الغير الجم مفتوح لج يوميا ومن غير مساج الويه ..
جلسه : سونا
جلسه : تكسير دهون
جلسه : مساج شد الجسم

طبعا المبلغ يتحدد ع الوزن وطبعا هالاسعار لكل الجسم … ويعتد السعر ع جسمج ..
بس جي توزيعهم .. وانتي تختارين .. طبعا ها الاسعار ع وزني انا ..

بس حبيت اعطيكم فكره

5 كيلو = 4الف وشي المده = شهرين عدد الجلسات= 3 مرات في الاسبوع
7 كيلو = 6الف وشي المده = اكثر من شهرين عدد الجلسات= 3 مرات في الاسبوع
10 كيلو و 15 كيلو = ما اعرف المده = اكثر من شهرين عدد الجلسات= 3 مرات في الاسبوع
20 كيلو وفوق = 18 الف وشي المده = اكثر من 5 شهور عدد الجلسات= 3 مرات في الاسبوع

ها اللي عطاني اياه ..

حبايبي فرصه للي حابه تجرب ..

.. اليوم اتصلوا بي وقالوا لي ان عندهم خصومات ..
انا كنت افكر في اني اجرب بو 5 كيلو و 7 كيلو .. بس عقب ما قالي عن ان بو 10 كيلو استوا سعره تقريبا مثل ال7 كيلو فافكر اني اخذ بو 10 كيلو ..

وقالي ان بو 5 كيلو كان سعره 4 الف وشي واحين استوا ب 2500 درهم .. ومدته شهر و3 اسابيع

واتمنى اني فدتكم ..

ربي يوفقج

ربي ايوفقج حبوبه

حلو صراحه بس وين مكانهم ؟

ومافهمت سالفه الكيلوات يعني إذا تبين تنزلين 5 كيلو يكون السعر 2500 ؟

يسلموو ع هالموضووع …..

زين كتبتي موضوع عن هالمركز لاني ابا اسيره هع

اي فرع الي تسيرينه ؟؟؟
وبسالج عن السيلوليت مايخفن؟؟؟

يزاج الله خير والله معلومات روووووعه
ان شاء الله يارب تضعفين وانا بعد وياج خخخخ

هلا اختي

حبيبتي
هيه جي تقرييبا .. بس انتي ممكن تنزلين اكثر بس هم مسوين مثل مستويات

مستوى 5 كيلو عدد الجلسات مثلا 10 ب 2700 مثلا
مستوى 10 كيلو عدد الجلسات 38 ب 6100 درهم

والاحلى ممكن تحددين لهم الميزانيه ويسون لج عدد الجلسات ع حسب ميزانيتج

انا اسير للي في دبي عند دوار الدفاع قبل منطقة الوصل