تجربتي مع الشفط والشد

مرحبا بنات اليوم بخبركم عن تجربتي مع الشفط والشد اللي سويتها في مستشفى الامارات عند الدكتورة سحربكتب التجربة وبختصار واذا اي وحدة عندها اي استفسار انا حاضرةانا طبعا مش متينة وايد بس عندي منطقة البطن مترهلة (من الولادة طبعا ) مع ان وزني ينزل بسرعة بس البطن عندي ما يتغير وما خليت شي ما جربته اللي قالت زنجبيل وكمون وليمون واللي قالت خل التفاح واللي قالت اشفطي بطنج لما تمشين ووووووو وايد اشياء جربتها بس ما شفت نتيجة وانا انسانة ما اياس بسرعة بس خلاص وصلت حدي من كثر التجارب وكل يوم افتح الكبت واقول بلبس هذا اللبس لما اضعف واخر شي اللبس يسير الجمعية الخيرية وانا بعدني نفس ما انا في النهاية وبدووووووووووووون ما اخبر اي حد حتى اقرب صديقة لي سرت المستشفى وقابلت الدكتورة وحددنا موعد الفحوصات وموعد العملية وقبل العملية بكم يوم خبرت اختي اللي انا واايد وياها وطلبت منها انها ما تخبر اهلي وخااااصة (ماما) تعرفون انتوا شو بيقولون لا تسوين وبتموتين وحرام وتعب عاد انا قلت ما بخبر حد وبتوكل على الله وصليت الاستخارة وقلت اذا تيسرت الامور ترا خير واذا صار اي شي ترا الله مش كاتب والحمد لله سرت في نفس اليوم وبدينا التجهيزات للعملية وكانت مدة العملية تقريبا 4 ساعات وسويتها وكل شي تمام بس اول يوم من بعد العملية ما كنت احس بتعب او اي عوار لان بعدني تحت تاثير البنج بس 2و3 يوم الله لا يراويكم الالم خاصة لما قالوا لي لازم تمشين ويلست تقريبا اسبوعين الم وعوار بس مش للدرجة اللي ما اقدر اتحملها وبعد الاسبوعين حسيت اني احسن وان مشيتي بعد تغيرت مش نفس بداية العملية كنت امشي وظهري منحني بس الحين اوكالشي اللي مووووووووووووول مب شي في السالفة اني ما تسبحت لمدة 11 يوم من بعد العملية لاني لابسة مشد ومش مسموح اني اتسبح الا لما الدكتورة تشوف الجرح وتشل الضمادات من عليهالشي اللي روووووووووووووووووووووووعة في السالفة اني اقدر البس اللي اباه وانا واثقة من نفسي ومرتاحة وما احاتي نفس قبل شو بلبس عسب اخش بطني انا اختصرت في موضوع شرح العملية بس اللي تبا تستفسر عن اي شي ترا انا حاضرةملحوظة : انا ما قررت اسوي العملية الا لما قريت موضوع الاخت موزة سويدان عن عمليتها وعند نفس الدكتورة وهالشي شجعني وايدانا جاهزة للاستفسارات

ماشاء الله .. أولا الحمدلله على السلامه .. وثانيا بالبركة عليج الجسم اليديد هههههه

الله يهنيج يارب بكل اللبس الي انحرمتي منه طول هالمده .. بس صراحه أحيي شجاعتج

ألف حمدلله على سلامتج والله يهنيج بجسمج بصحه وعافيه

كم كلفتج العمليه ولازم شفط؟الشد ما يكفي؟
وكيف 11 يوم عيل كيف نصلي؟مااتخيل اصلي ومب متسبحه

كم سعر العمليه,, الله يقويج بصراحه مسألة عملية الشفط تخرع,,

ثانكس حبيبتي الله يبارك فيج يارب