ببدأ ببذرة الكتان وزيته . للتنحيف .

هلا بنات …

شخباركم ؟؟

انا خلااااااااااااااااااص قررت ابدا ببذرة الكتان وزيت الكتان ..

سويت سيرج لين دار راسي وحصلت واايد اشيا ووايد طرق للاستخدام ولعوزوني بس انا شفت اللي يناسبني واللي اسهل لي ..

اولا بنات بقولكم اشيا لازم اتسونها وتستوعبونها :-

1 – اللي عرفته ما يسبب عقم ولا شي .. بالعكس زين ..
اللي يسبب العقم اللي هو الزيت الحار << زيت الكتان الحاااار <<

2 – ما تستخدمه لا المرضعه ولا الحامل <<لانه يسد الشهيه وحاله ..

3- بنات اشتروو البذووور مب مطحون ولا مبشور .. << خذو الكميه اللي تبونها واطحنوها <<بقولكم الطريقه اصبرو ..

4- بنات خففو الاكل وعقب الساعه 7 لا تاكلون بس عصاير فرش واذا تبون لبن بس قليل الدسم .. وفواكه ..

5 – المشي << ثم المشي وثم المشي <<ع الاقل ربع ساعه ما راح ياخذ من وقتكم ابدااااا بالعكس جونا حار راح تحرقون اكثر واكثر ..

6 – خففو من الغازات ..

خلاص بسكم هالنصايح وان شاء الله اذا عرفت نصايح ازياده بقولكم لاني راح امشي على هالشروط ..

الحين بقولكم الطريقه اللي راح اتبعهااا …

تأخذ عشبه إسمها بذرة الكتان وتتطحنيها وتأخذين منها ملعقه واحده ثم تضعين عليها كاستان من الماء المغلي وتضعينها على النار لمدة خمسه دقايق أو ثلاث دقايق وبعد كذا تصبيها في الكاس بدون تصفيه وتضعين عليها ملعقه من زيت بذرة الكتان وتشربينها قبل الأكل << قبل كل اكل فهمتو ويفضل مرتين ف اليوم اللي هو قبل الفطور وقبل النوم <<
حاولو تاخذون كميه بسيطه وتطحننوها واتسون لكم مب تتطحنونها كلهاا .. لان تفسد عقب وخلوها ف الثلاجه .. <<اظن فهمتووو ..

بعد كذا تقومين بعمل الرياضه <<
انا راح امشي على اللي قلته ان شاء الله .. راح اواجه مشاكل لاني ف الجامعه وف السكن وكيف بطحن ومتى بسوي ومتى بلحق على الدوام <<بس بحاول لاجل الضعف والرشاقه والصحه ..

الوزن الحاالي : 61.2
والطول : 161

بتقولون مثالي بس لا بنات انا احب السلق وانا من فوق ضعيفه ومن تحت شويه مليانه ..

وابا اوصل 50 <<< ان شاء الله ..

راح احاول ادخل موضوعي هذا كل مرة .. واسمحولي اذا ما دخلت لاني ف السكن وعندي امتحانات الفاينل وخربطه ..

وراح اقولكم النتيجه ان شاء الله …

على فكره انا اتريا اللي طلبته من ابوي الله يطول بعمره .. <<يعني بعدني ما اشتريته ..

يلا بنات اللي يبا يشاركني حيااااااااااااااااااااااااااااااه …

ابا تشجيع منكم ..

وين التشجيع ما فيها شي لو رفعتو الموضوع على الاقل ..

كل مرة انحبط منكم

الله يسامحكم ..

المشاركة الأصلية كتبت بواسطة reeeshaaa

عزيزتي انا سمعت وايد عن بذرة الكتان
لكن ما اعرف شكلها هي اعشاب يعني اوراق ولا حبوب ولا شو بالضبط
يا ريت اذا عندج صوره لها تحطينها
حابه اشتريها لكن مو عارفه وين بتكون متوفره
ياريت تخبريني لأن وزني ثبت و حابه اشوف اذا بتنفعني

هلا وغلا الغاليه

يبيعونه عند العطار قوليله حبه الكتان بس مب مطحونه .. وبيعطيج لونه بني .. وحبوب <<

ان شاء الله طلعت الصورة لاني ما اعرف انزل صور ..

اذا تبين اجوفينه عدل اكتبي ف قوقل حبوب الكتان وبجوفينه ..

ومشكورة على مرورج اللي اسعدني ..