طبعا من العنوان كل شي واضح ,,
أنا وبنووتة بينا تحدي لين تاريخ 4/10 2024
والمرة اللي طافت غلبتها بـ 400 غراام >> وراج وراج وين ماسرتي هع
ووزني أحين 66.1 كيلوو
يعني هي وزنها 66.5 كيلو
بس ما شا الله عليها هي غلبتني ونزلت 4.5 كيلوو ,,
أما أنا نزلت 2.8 كيلوو و الحمدلله راضية بانجازي البسيط ^^
وهالمرة التحدي بينا منو أول وحدة توصل الـ 62 ,,
يعني بمعدل كيلو أسبوعيا ,,
وانتن خواتي دوركم اتشجعونا نحن الاثنين ههههه بس شجعوني انا أكثر هع
ان شا الله نوصل نحن الثنتين فنفس الوقت ياارب ,,
طولي 157.5 سم
العمر: 20 سنة ,,
الجامعه: زايد – فرع دبي ,,
نظامي بيكون صحي وخفيف + ريااضة ,,
تابعوني وفيومياتي بقول كل شي عن خبرتي في مجال الجمال و العناية بالبشرة و غيره ,,
سي يآآآ
الريوق
كوب حليب وي نسفيتا + 2 سلايس توست أسمر + مسحة نوتيلا
سناك 1
تفاح أخضر + كوب لاكنور برتقال
الغدى
ذرة وي بيض ( من اختراعي خخخ) + لاكنور برتقال + سلطة
سناك2
سلطة + كوب لبن مراعي قليل الدسم
العشى
شوربة دياي + سموثي + 2 توست أسمر
الماي لتر ونص
دووم أعلج لبان اكسترا
بين الوجبات دووم اخذ شاي أخضر مرتين باليوم
وأخذ فيتاميناتي اليومية ,,
لرياضة :
ثلث ساعه رقص هيب هاب
ثلث ساعه تمارين جيل لفل 2
10 دقايق اوبرتراك
100 مرة سيت أب
50 مرة بوش أب
50 مرة جامبنغ جاكس
50 مرة تمارين الصدر
50 مرة تامرين الزنود
وبس ^^
حبيبتي بغيت اسألج عن تمارين ال بوش أب
كيف تكون .!
وبالتووفيج
حبايبي
تحدي بيني وبين الصدى =)
المشاركة الأصلية كتبت بواسطة رهينة الحب 
حبيبتي بغيت اسألج عن تمارين ال بوش أب
كيف تكون .!
وبالتووفيج
البوش أب هي نفسها تمارين الضغط فديتج ,,
و انا أسويه ب3 طرق ,,
أول طريقة كنت أسويها قبل أحين مب وايد مرات ,,
الي هي جنج ساجدة وتسوين التمرين ,,
2 طريقة خذته من تمارين جيليان ,,
نفس الحركة الاولية بس اختلاف بسيط انج ترفعين ريلج شويه من ورى ,,
3 طريقة من ع طرف الشبرية أو الغنفة واسوي التمرين ,,
في بعد الطريقة العادية أسويها وي تمارين جيليان بس بعدني مبتدئة ^^
المشاركة الأصلية كتبت بواسطة فديتني هبله حبايبي
تحدي بيني وبين الصدى =)
هيه فديتج متابعتنج انتي وصدووي من ورى الكواليس ,,
ان شا الله بشجكم بعد ^^
وبالتوفيج حبيبتي للامام دوما وابدا ^^
يشرفني اكــًـون من متـابعين هــًـا التحدي… وان شـاء اللهـ توصلين الي الوزن الي تبينهـ…
حلـووو طريقـه الريــًـاضـهـ عندج… وجد عجبتني…
واصـلي… الى الامـام… ونحن ويـاج دوووووم….