قصتيه مع محاولات الضعف ونهايتها بالقص

السلام عليكم
اليوم انا يايتنكم مع قصة حياتي في محاولات الضعف
اولا انا متينه من خلقني ربي وماكان عندي مشكله في الموضوع نهائيا لين ماتفاجأت انه ربيعاتي وحتى خواتي الاصغر مني بلغن الا انا رحت عند دكتوره وعرفت انه بسبب المتن ولكن في النهايه بلغت بس الدوره كانت اتييني في كل سنه مره او مرتين وبدأ يزيد وزني وصلت الا مايقارب الاميه وخمسين لين مامره دخلت على دكتوره نوال العراقيه في مستشفى الامارات للمراجعه عن الدوره والهرمونات والتكيسات ونعتتلي الربط المعده وقعدت عراسي جنها مطرقه لين ماحضرت معاي العمليه وسويتها عند دعبد السلام في النور و الحمدلله في ثلاث سنوات ماعنيت من الربط نهائيا واسير اضوقه في السنه حسنه ومالتزمت صراحه معاه بس الحمدلله انا حريصه ماصار شي فيني المهم من 2024الا يومنا هذا نزلت من 136الى83 بس طبعا في فترات رديت زدت لين 100 وتقريبا ثبت وزني على مال90بس لسوء الحظ انا وايد قصيره يعني حتى التسعين جني شاله شخص ثاني معايه وبعد مامليت من من الربط ولاعت جبدي قررت اني انهي السالفه واشله بس حبي للعيشه والاكل كنت متأكده اني اني برجع الي نزل في شهر اذا مب اقل المهم شائت الاقدار وباستخاره مال بسرعه بسرعه سويت عمليه 10/4/2016 شليت الربط وسويت القص عند حكمت مطر اول يوم لاعت جبدي وندمت وضربني اكتآب حاد بغيت اموت بس امي فديتها يلست عراسي تقرا عليه قرآن لين ماهدين وبنت عمي الله لايحرمني منها صديقتي الصدوقه تمت عندي وصبرتني والحمدلله مرن اول يومين في هلع بعدين هدت الأوضاع وهديت الحمدلله والحين يومي الرابع واحس عمري بخير طبعا واول يوم اشرب كرك من احس انه سبب الانهيار الي ياني الاثار الجانبيه تقومين من العمليه وفي بيب يصب من بطنج بس هذا طبيعي وتحسين يطلع منه اصوات كل ماتتنحنحين ولا تكحين عادي طبيعي الم الغازات المميت بتحسينه حتى في قلبج وجتوفج بس الا بذكر الله تطمأن القلوب كل مااحس بالالم اتشاهد واسمي الحمدلله يروح كل الالم طبعا البعد عن الاكل نهائيا بس لازم اواضب على الكالسيوم والفيتامينات لين مااعتمد على عمري واقدر اكل امس كلت روب الحمدلله واليوم كرك انشالله مال اسبوع وبجرب العيش اللبادي اتمنى اني فدكم بشي من قصتيه وربي يسر للي فيه الخير انشالله

يختى غريبه أنتى كاتبه التاريخ غلط او شوه المهم الله ينولج الي في بالج يا الغاليه وتقومين بالسلامه

مشكوره حبيبتي انشالله الله يوفقج وتوصلين للي تبينه المشكله اني ماعندي اراده ومااصبر عن الاكل ^،^

هيه صلحته مشكوره

الله يقومج بالسلاااامه خيتوووو
انا خااااطري اسوي القص لان وزني 95 وما يفيدني اييي رجيم
لكن حالتي الماديه ما تسمح اسوي العملية
بس بغيت اعرف بكم سويتي العمليه وهل فيه ميزانية ثانيه عقب العملية يعني من ناحية الادوية والمراجعات؟

الله يسلمج من كل شر حبيبتي الي سمعته خليفه يسوونها والدكتور وايد شاطر وتقدرين اتروحين عند حكمت مطر بيقدملج عثقه ولا النور بعد كلفتني ٥٥ الف والمراجعات مع فلوس العمليه بس الادويه والفيتامينات عليه والليزر عشان اشل العلامه مالت العمليه مع انها مب مبيره اقل عن ٣سانتي بس مضايقتني