السلام عليكم ورحمه الله وبركاته
طبعا الي فوق رابط موظوعي ليله العمليه
وجزا الله كل وحده قرات او ردت عليه بالدعاء لانها تجربه جديده
دخلت المستشفي تاريخ 9سبتمبر و 10 الصبح الساعه 9 كان موعد العمليه
في مستشفي الامارات الدولي في العين
عند الدكتور علي فردون
نفس ماكلنا نسال عن الدكتور قبل العمليه
انا اعرف حد من صديقاتي اخوها سواها
ويوم اسوي التحاليل كانت بنت مسويه عنده ومكمله 10ايام عشان يشيل غرز الي في البطن
طبعا حلقت شعر البطن وتحت عدل و الصبح لبست لبس العمليات و وركبولي المغذي
وخليت ريلي نايم عشان ما يحاتيني
لازم يعطوم ابره عشان مايستوي تجلط و ابره ترخي اعصابج لين وقت العمليه ما تخافين
طبعا ابره الاولي تحرق يعني لسعه السمسوم لانها في الجلد وتاخذينها يوميا لمده عشر ايام
تاريخ 9 رحت كارفور خذت ديتول وسامان الحمام من صابون جسم وايد وخذت شباصه ربطه حق الظفيره احاتي شعري مايتقطع ههههههههه
وتمين صايمه من الساعه12 لين وقت العمليه
بنات انا الي اذكره اكتبه احس اكتب متخربظ
نزلت جدام غرفه العمليات و وتريت ساعه بس كنت متخدره من الابره مافي شعور خوف مدوخه و تبين تنامين من الابره
وصل الدكتور وسلم عليه وصل دكتور التخدير بعد وقالي ماراح تخسري الا ثيابك
وماحسيت لين وانا في الغرفه وكانت غرفه وصاله وماشي للمرافق اكل او شبريه
فاحسن من الكرسي هاتو دوشج احسن لان امي تعبت من الكرسي
بنات اول 3 ايام طبعا كل يوم احسن من الي قبله نن ناحيه الالم بس
تري كنت احس ان معدتي تتخانق وفيها الم بس هم يحطون لج في المغذي مسكن
وطبعا اللوعه حدث ولا حرج و الترجيع بعد وايد كل ما اشرب شي معدتي تعورني وازوعه يكون عدالج صحن
نفس ماقلت كل يوم احسن من الي قبله بس اول ثلاث ايام
مرو كانهم وقت طويل بين الم و لوعه وزواع و نوم
ومحاوله اني اشرب الدوا او العصير شوكليت فيه كله المغذيات والفتمينات وايد مهم هذه العصير وماتقبلته الا رابع يوم
اول يوم لازم يسون صوره وانتي واقفه وتكونين شاربه عصير فيه دوا عشان يبين المعده في الصوره واذا فيها تسريب لا سمح الله
التدكيك احتمال ضعيف جدا جدا التسريب بس يضل احتمال
اليوم الرابع طلعت من المستشفي الحمدلله
وحركت البيت الحمدلله من وصلت البيت ونفسيتي ارتاحت حتي مازعت الا شي بسيط من البلغم
اليوم يومي الخامس الحملله اللوعه بسيطه رحت الصبح المشتشفي عشان ابره الدم الي قلتلكم عليها
و من اليوم الي طلعت من المستشفي احسي عقبها عشره ايام سوئل فقط عصاير ماتكون فرش ابدا لازم معلبه عشان الشوائب ولا عصير راني لان فيه حبيبات
مرقه الدجاج و ماي
طبعا احساس الشبع يكون سريع مش نفس قبل
حياتي180 درجه تغيرت والحمدلله الدكتور قمه في الاحترام و الممرضات وايد متفهمات ومريحات في التعامل
العيب الوحيد انه ماشي اكل للمرافق ولا سرير بس
ممممم اي سوال انا حاضره حتي لو علا الخاص
يوم الاحد لازم اروح للدكتور عشان الغرز الي في البطن
نسيت اقولكم وقت العمليه لازم يحطون في مجري البول فوز عشان يطلع البول الله يعزكم و بيب اسفل الصدر اليسار عشان باقي الدم يطلع وطبعا شالوهم ثاني يوم عمليتي
تستأأهلين السلاامه أختي ..
يالسسه اقرأ ومندمجه ويااج وويهي معتفس ههه
الله يوفقج وإن شاء الله للأحسسن
حبيت اوضح بالتفضيل الممل
عشان الي حابه ما تنصدم عقب
اتصدقين اليوم ١٤ ونازله خمسه كيلو
بس علي فكره انا من شهر قبل العمليه دايت و قبل العمليه صايمه ٦ ايام عسب مايكون عليه دين
الحمدلله والشكر
وين البنات
انتي سويتي العمليع على حسابج ولا على الدوله وكم انتضرتي لين ياج الدور
والحمدلله على سلامتج كنا نتريا ردتج بشوق
ربي يعطيج الصحـة والعافية