،
،
شحاالكم بناااات ؟؟شو الاخباار
اشوف صارت في وايد تغييرات من آخر مره دشيت ،،ماشاء الله يوميات وناس يداد منظمين…مآشاء الله عليكم الله يزيد ويبارك وان شاء الله كلكم تحققون احلامكم
(فقط لمده 10 ايام )
حاولت انظم لقروبات من مدونة ثانيه ،،بس ما عيبني وضع القروبز من الاساس خلاص مليت من السالفه …..وفنفس الوقت الواحد اذا ما يحصل تشجيع وتوثيق ما يتشجع يستمر ع النظام اللي هو فيه ….عموما انا ييت هالمره بفكره يديده والهدف الاساسي منها اني اعيد التوازن لجسمي من اول ويديد عقب ما خلطت الحابل بالنابل ^ـــــــــــــــــــ^ وبيكون مدته عشره ايام فقط وان شاء الله تكفيني أأدب نفسي فيها…..
آلكمــــــــــــــــــــــــــآل ..ما احلى الكلمه !! ~.~
بس الكمال لله عز وجل ،،ونحن بشر ما نكون غير احدى مخلوقات الخالق وغير منزهين عن الخطأ …مهمى نسعى ومهما نحاول مستحيل نحصل الكمال الرباني ..حتى لو عندنا فلوس الدنيا كلها ،،،،عشان جيه حطوا هالشي فبالكم انا ما اريد اوصل لنقطه الكمال هاذي ولكني ابا اوصل للكمال بمنظوري انا ،ما اريد اتحول لعارضه ازياء بين يوم وليله وايوع عمري عشان هالشي الى ما يطغوا شي على شي …مستحيل اوصل للجسم والبشره والشعر واستمتع بوقتي واطلع واقضي دراستي واتوقع نتيجه 100%
عشان جيه انا اختصرت المده ل 10 ايام لاهداف معينه فعقلي بحاول اركز عليها ان شاء الله واصلح الضرر…
1- الجسم :
ربي سامحني اكثر شي قصرت فيه فالايام الي طافت هو جسمي ،،،حتى المشروبات الغازيه الي اكرهها صرت اشربها مثل الماي لا رقابه ولا هم يحزنون…النوووم ~بالله حد منكم يرقد والليت مولع وتساعطشر الف مره اقوم فالليل .. عشان جيه بحاول انظم اكلي وارقد عدل فاجواء مريحه
ريااااضتي الحبيبه ما ادري متى آخر مره لعبت !! صايبني كسل شدييييييييييييييييد …افكر ابدا بالتدريج فهالموضوع لانه يبالي وقت اتعود
2- البشره :هاذي انا شايفتنها بعيني من اسبوعين تقريبا ،،بشرتي صايره وايد دهنيه وحبوب وآثار ..طبعا لاني صايره وايد آكل جوكليت هالايام فبشرتي اندمرت …فبحاول اكثر فواكه واعتني ببشرتي
3- الشعر
من يوم يومه معدوم خخخ ما اعرف اعتني فيه!! هنيه احتاج نقطه توقف
4-النفسيه
>>اهم وآخر شي .بتكلم عنها بعدين
…….
هاي الاربع نقاط الي بركز عليها فالايام اليايه ان شاء الله وبحاول اصلحها / بتقولون يالسه ترمسين ع شعر وبشره ونفسيه ونحن فقسم رياضه ..هيه نعم ،كلها النقاط الي تكلمت عنها تكمل بعضها بعض ,كيف؟
انا بقولكم ,تييج وحده تحط اغلى الكريمات ومهتمه ببشرتها اكبر عنايه ماا بتحصل نص ولا ربع البنت اللي تعتني بأكلها ..نحن نعتني من الداخل للخارج وليس العكس ..لو ان شاء الله كل يوم وصفه وكل يوم خلطه اذا اكلج (غلط) راح ينعكس ع شعرج وبشرتج وهذا ع طول لاحظته ع نفسي
بالنسبه للنفسيه ،،فهي اهم عامل ^^ لخساره الوزن وهالشي معروف اذا ما عندج اراده ما راح تخطين ولا خطوة لجدام
خل اعرفكم بالموضوع :
مفتـــوح للجميع >>كبار صغار ضعاف متان ولا رشيقات ..اكيد كل واحد في شي مضايقنه فنفسه فخلونا نشجع بعد نصلح اخطاء الماضي ،،يمكن ما نخسر 5 ولا 10 كيلو ..بس بنكسب وايد من النقاط الايجابيه اذا التزمنا وعطينا نفسنا الاوليه لمده 10 ايام بس …انا فكل مره انزل موضوع اكتشف شي يديد ،فما بالكم هالمره اذا منزله الموضوع عشان نفسي وبس ^^ بصيير بيرفكت نعم وبصلح كل اللي مضايقني فمده قياسيه ليش لا ؟
يوميات ماااافي ,ما نريد يوميات !!! ولا تقارير 
ولا قوانين نحن مش فالجيش ولا فعياده ..خلونا نبدا بسلام ونعيش بسلام لاني اكرهه التقارير وما احس استفيد انا منها ،يمكن اللي تكتب التقرير تستفيد انه بتلتزم تعرف انه حد وراها بس انا اضيع وقتي فالقرايه خاصه اذا الاخت مخبصه ما استفيد>>اوووكي يمكن استفيد احيانا بس بشكل عام احسه روتين ممل
طيب في حل غير التقارير ..^^ اترك الموضوع الكم,وحسب انتوا شو ناوين تغيرون فحياتكم اكتبوا لنا الخطوة الايجابيه الي بتخطووونها وكيف بتصيرون بيرفكت ! مثلن انا باجر افكر اسوي لعمري ريوق ملكي كخطوة اولى نحو الرشاقه بحط لكم صورة الريوق ومكوناته والسعرات الي فيه وبجيه احقق هدفي وغيري يستفيد بدال لا ارص يومي كامل بلا قدر ولا تقدير ..نحن بنات كبار وكل واحد مسؤوول عن نفسه
ابا اغير بشرتي !!تعبانه وايد>>عندي كريم او منتج ينفع ،،ممكن نحط صورته وطريقه استعماله من وين وكيف
من الحين ما اريد الردود تكون سلبيه او (ما منها فايده =سوري بس اللي عندها ذم او مدح للموضوع تطرشلي عالخاص)
الموضوع مفتوح للمشتركين فقط/الردود تكون ايجابيه فقط /يوميات تقارير خرابيط بطيخ ماشي >>لا البطيخ حلوو مفيد للبشره ^^بطيخ شي
واي استفسار جاهزه عالخاص ^^ اذا حسيته بيفيد البنات بنشره متخفوووش ،بس ما اريد اخرب الموضوع
14-12-2016 >>>>>24-12-2016
بإمكانكم اليوم تاخذونه تحميه وتجهزون خططكم وافكاركم ^^
هلا وغلا ومرحبااا بج
انتي وينج من زماااااان 
بصراحه كلامج درر على قولتهم وانا اول وحده معاج وان شاء الله بنستفيد من بعض ونكون شرات الخوات
،
،
احلى مساء بنفتح فيه موضوعنا ان شاء الله بريحه البخوووور والعود والاجواء الروحآنيه
جمـــــــــــــــــــــــــــــعة مباركه عليكم..
ألقاكم فالليل ان شاء الله وبخبركم ^^ عن الاشياء الحلوة الي سويتها لنفسي خلال اليوم
،،by the way
انا متوقعه انزل بين نص الى كيلو خلال هالعشر اياام ^^،نسيت اوزن عالريج اليوم بس بوزن باجر ان شاء الله عشان اسجله واشوف الفرق بنهايه الموضوع
يلا ابا اشووف تفآعل…ولو اني حاسه انكم مستغربين الموضوع لووول ثقووا فيني راوووني اهتمامكم بنفسكم من كل النواحي وبتشوفون كيف الانعكاس بيكون
والاستمرار باذن الله