موضوع جديد واهداف جديده
الحمد الله حققت اهدافي الاولى وكسرت 100
تقريبا نزلت 25 كيلوو 
هذا رابط الجزء الاول
https://forum.uaewomen.net/showthread.php?t=1140458
الحمد الله تغيير كبير بحياتي وشكلي ومقاسي
انا راضيه عن معدل نزولي خلال هالمده علما اني بكمل 4 شهور بتاريخ 4-8-2016
بس للاسف اغلب اللي اقولهم كم نزلت اسمع منهم كلمة بسسسسس 
يخلوني احس ان نزولي بطيئ مقارنه مع الاشخاص اللي يعرفونهم مسوين تكميم
ودايما اوضح لهم جسم عن جسم يفرق بالنزول 
وبنت عن شاب يفرق بالنزول
وانا مابي انزل بسرعه عشان ما اترهل لان في وضعي الحالي صعب علي جدا اسوي رياضه او اي مجهود
بسبب نقص الحديد و هبوط دايم
هالفتره صرت مركزه على الفيتامينات
الحمد الله على كل حال
.
.
.
وانا راجعه بحماس اكثر ليومياتي لان من وقفت كتابة اليوميات صرت اللخبط بالاكل
صرت اكل اي شي موجود
اليوميات ساعدتني كثير على الالتزام
.
.
.
وكخطوه ثانيه للالتزام فتحت لي حساب على الانستقرام
هذا اسمي وشرفوني بمتابعتكم وتشجيعكم
vanilla_diet
لان الموبايل دايما بايدي
وصرت اتابع يوميات مشجعه بالانستقرام على الالتزام
عوده من جديد للطعام الصحي للوصول للمثالي
تابعوني
يوم الاربعاء
بتاريخ 24 – 7 – 2024
15 رمضان
فطرت
3 ملاعق هريس
سمبوسة مشويه
بعد الفطور بساعه كلت
3 ملاعق ثريد
وقطعة بسكوت مع قهوه
بعد الصلاه اخذت فيتاميناتي وشربت لتر ماء
تسحرت
3 حبات لقيمات وبعدها بساعتين بف باستري بالجبن
وبعدها بساعه لفائف السمبوسه
وقبل لا انام شربت لبن وحبة رطب
طبعا ماسويت رياضه بس طلعت للجميعه وتمشيت فيها اخذلي اغراض تقريبا ساعه ونص
مب راضيه كثير عن يومي وان شاء الله الايام القادمه افضل
25-7-2016
16 رمضان
فطرت
5 ملاعق هريس ونصف حبة سمبوسه سمرا مشويه بجبن لايت
بعدها بساعه نصف خبز رقاق مع نصف علبة صغيره لبن لايت وملعقتين زهره وبطاطا مشوين في الفرن
وبعد نص ساعه
حبة رطب و فنجان قهوه
بعد الصلاه اخذت فيتاميناتي
والسحوور
نصف خبز رقاق مع شوي نخي
وبعدها بساعتين
شوي بطيخ احمر
وبعدها بساعتين ملعقتين مقلوبه بالدجاج وقطعه صغيره بذنجان و بطاطا مع ملعقتين زبادي خالي الدسم
للاسف شرب الماء اقل من لتر
ان شاء الله ازيد المااء الايام القادمه
قررت كل خميس يكون الميزان
وزني يوم الخميس والحمد الله
ان شاء الله انزل اكثر قبل العيد
وخذي مكملات الامينو اسيدز ركزي عليها
ماشاءالله رديتي بحماس
ماعليج مُـٍ<3ــًـنْ كلام الناس اهم الشي تكونين راضيه عن نفسج
استمري فديتج
واكيد رح اتابعج ف انستقرام
وصح كلامج ليوميات تخليج تلتزمين وتحسين ان يومج مرتب وياها
وما شاء الله احس نزولج حلو , ولا تسمعين لكلام الناس اذا انتي راضيه على تعبج ونزولج
واعتبريني متاابعة ليومياتج 
المشاركة الأصلية كتبت بواسطة fffooo 
وخذي مكملات الامينو اسيدز ركزي عليها
هلا حبيبتي مشكوره على اهتمامج
كل شهر اخذ ابرة بي 12
ولما اشوف الدكتور ان شاء الله بقوله يعطيني فيتامينات بالابر
المشاركة الأصلية كتبت بواسطة زهرمار ماشاءالله رديتي بحماس
ماعليج مُـٍ<3ــًـنْ كلام الناس اهم الشي تكونين راضيه عن نفسج
استمري فديتج
واكيد رح اتابعج ف انستقرام
هلا والله زهرمار
حماس حماس ابي اكون نيو لوك للعيد ان شاء الله 
الحمد الله راضيه واشوف نزولي ممتاز خلال هالفتره وان شاء الله اوصل للمثالي
والله لا يحرمني تشجيعكم
بتنوريني بالانستقرام
لولا تشجيعكم ما اعتقد اني كنت بستمر
تسلمين حبيبتي
المشاركة الأصلية كتبت بواسطة Ms.Miamii وصح كلامج ليوميات تخليج تلتزمين وتحسين ان يومج مرتب وياها
وما شاء الله احس نزولج حلو , ولا تسمعين لكلام الناس اذا انتي راضيه على تعبج ونزولج
واعتبريني متاابعة ليومياتج
هلا والله
بتوريني بمتابعتج وبنشجع بعض فيه سويلي منشن على حسابج عشان اعرفه
والتزمي باليوميات لانها وايد ساعدتني على الالتزام
والحمد الله نزولي ممتاز وان شاء الله انزل اكثر خلال هالسنه
تسلمين على كلامج الحلو