مرحبا الغاليات ابي نصايحكم في مشكلتي
صارلي اربع سنوات متزوجه وللحين ما حملت تعبت من المستشفيات
وقلبي يتقطع لما اشوف ريلي يالعب مع عيال اخوانه وخواته الي اصغر عنه وهو للحين ما عنده ولا بي بي
كل مره اروح حق دكتوره تقولي ان عندي تكيس في المبايض
وتقولي نزلي من وزنج وانزل بس مايصير شي
واخر دكتوره سوتلي من شهرين منظار عسب تطمن على قنوات فالوب وسوتلي كوي حق التكيس بس رجع مره ثاااااانيه
والحين نفسيتي ابداااا تعبااانه لدرجه كل يوم ايلس اصيح في الليل
وطبعا ريلي ماقصر يغيرلي جو داايما بس نفسيتي مثل قبل ما تغيرت
والدكتوره تبي تبدا معاي بالابر بس انا عندي خوووف شديد من الابر
والكل يقولي سوي انابيب
وابي رايكم ساعدووني !!!!
ربي يوفقكم
بس نصيحه لج غيري نفسيتج وحاولي ماتفكرين لان النفسيه وااااااااايد تلعب دور
وعليج بالحجامه وان شالله تستفيدين
او خلي حرمه تمسحج والله يكتب لج الحمل السليم ويكتب لي ولجميع المحرومات
جنج تتكلمين عني قبل ما احمل
وانا كانت عندي تكيسات في المبيضين
جربت الحجامة والكلوميد
وكانت دورتي مووول مب منتظمة او بالأحرى معدووووووووووومة
الحمدالله سويت سيرج لمدة شهرين تقريبا عن حبوب موجودة في امريكا
وطلبتها ولمدة شهر ونص خذيتها وحملت الحمدالله
جان تبين اقولج عن الحبوب تواصلي وياي على الخاص
وربي يشفيج
عليج بالاستغفار و قيام الليل و قراءة سورة البقرة
اختي بنت الاحساس صح كلامج لازم احاول اغير نفسيتي و جربت الحجامه و المسح
ماحسيت انها فادتني وربي يرزقج ويرزقنا بالذريه الصالحه
ويسلموو على دعمج لي ربي يوفقج
اختي. Jameela200 الغاليه قررت اجرب الابر واذا ما صار حمل ان شاء اكيد راح اتواصل معاج واخذ اسم الحبوب بس احس اني متخوفه اشوي من الحبوب لانها من الخارج والله يخليلج عيالج ويحفظهم لج يارب
اختي وردة غلااا مشكووره الغلا على مرورج وربي يوفقج
اختي مجنزنه وتجنن ان شاء الله باخذ بنصيحتج بس سورة البقرة احسها طويله كيف اروم اقراء كلها في يوم وايحد ؟
والله يحفظج
اختي dxdaii مشكووره على الدعوه الحلوة
وخلاص قررت اني اخذ الابر واتحدى خوفي وبصراحه لما قريت ردودكم حسيت اني مب وحيده وان في حد معاي وانتوا عطيتوني الامل و بتوكل على الله
ربي يوفقكم و الله يرزقني ويرزكم بالذريه الصالحه ولا يحرمني منكم
*