عمليه تليف الرحم بليييييييييييييييييييييييييييييييييييز

السلام عليكم خواتي أشحالك ؟
بغيت أتشاور وياكم في هالموضوع لهو تليف الرحم
تحيدون اذا تذكرون موضوعي في المرتين في اطفال الانابيب يصير نزيف مندون سبب او ينزل هرمون الحمل فجاه والسبب غير معروف ، طبعا انا مايتني الدوره من قبل رمضان وخلص رمضان ضنيت انها لخبطه بعد الاجهاض رحت عند دكتوره كامليا في الشارجه قالتلي تليف كبير 7سم عندي وهذا سبب النزف والاجهاض وحرجت عليه اني كيف اسوي اطفال انابيب وانا عندي تليف اصلا مع انه التليف خارج الرحم ويقول دكتور وليد مايضر المهم طرشتني عند دكتور في بوظبي اسمه سامح عزازي دكتور نساء وشاطر في موضوع التليف شافني قالي لازم عمليه واتفق ويا دكتوره كمليا على نفس الموضوع انه عمليه وبسرعه وقال بعد هو سبب النزيف ليصير وقت الحمل ويخرب على الحمل وانه لو خليته بالكثير الحمل بيستمر 3 شهور وبعدها بيصير اجهاض ، أنا طلعت من عنده وسرت لدكتور وليد وقالي فعلا التليف كبير وبعد ينشل بس وجوده مايأثر لا اجهاض ولا غيره ولستغربت منه انه عندي نزيف من اسبوع والدكتور وليد يقولي بطانه الرحم سميكه وعندي كيس تبويض وسألني اذا انا ماخذه منشطات قتله لا قالي متأكده ما خذتي اي منشط قتله لا والله ، المهم انتو شورايكم ومنو ستوالها مثلي وهل فعلا بعد العمليه الحمل بأذن الله يثبت ياريت خواتي تتفاعلون في الموضوع ولا اطنشونه بليييز علشان بعد اي حد فيه نفس العله يستفيد ولانه عمليتي تقريبا بعد اسبوعين ، دعواتكم لي وربي يسر امري وامركن يارب ،،،،،،

موفقة ان شاء الله

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ

وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ

السلام عليكم ورحمه الله وبركاته
اختي حالتج نفس حالتي انا كان فيني تليف بس داخل الرحم واتبهدلت وايد وياه يعني صج تعب والحمل مع وجود تليف وايد صعب لانه حجم التليف يكبر مع هرمون الحمل وهرمون الدورة بس بحالتي انا صار عندي اجهاض بعد شهر ونص حمل والدكاترة ما اكتشفوا التليف بعدها بكمن شهر حملت وبديت اخذ كل اسبوع ابر تثبيت حمللين الشهر الرابع تعبت وايد لدؤجه ماكنت اروم امشي بالاخر اكتشفوا انه فيني FIBROAD واللي هو تليف داخل الرحم تميت اخر شهور كله بالمستشفى وقالوا لي ولاده بالسابع بس انا ايماني كان وايد كبير بالله وخليته ع ربي
اخر شهر حمل يعني بالتاسع يولدونج غصب وبهدله يعني اييج ويع الولاده كل يوم بس اخر شي ولدت بالسلامه بعد الولاده اتفاجا الدكتوة تقول وصل 15 سم ولازم عمليه يشلون الرحم بكبره لانه التليف كبير واحتمال يستوي نزيف اثناء الولاده
بعد الولاده ب 6 شهور رديت حملت ع كلام الدكاترة لانهم بيشلون الرحم فقالو لي ع الاقل يكون عندج 3 عيال كملت حملي بتعب كبير وبعد الولاده صار لي نزيف حاد لدرجه اني اتصلت بريلي اقوله سامحني تراني احتضر
بعد النزيف قررت اسوي العمليه واشل الرحم بس الحمد الله الدوله سفرتني تايلند وهناك ضحكت الدكتورة قالت لارحم بنشل ولا شي
احينه كملت عالعمليه 7 سنين بس مارديت حملت بس اتوقع انه بيكون حمل طبيعي ان شاء الله
انتي لاتحاتين خليج قويه واهم شي يكون عندج ثقه بالدكتور اللي تتعالجن عنده انا شلوا لي التليف وكان 16 سم والعمليه جدا بسيطه مالت ساعه ونص
اتوكلي عالله ترا التليف ماله علاج غير عمليه وهو بالعاده يكون وراثه بالعايله
واسال الله العظيم رب العرش العظيم انه يشل عنج كل باس وطهور ان شاء الله

الله يشفيج الغاليه ويسهل عليج حملج ويقومج بالسلامه

ربي يشافيه و يعافيه

ما عندي خلفية عن الموضوع
بس حسيت انه يمكن يكون سبب للاجهاض

[QUOTE=راعيه الجامي;39617103]السلام عليكم ورحمه الله وبركاته
اختي حالتج نفس حالتي انا كان فيني تليف بس داخل الرحم واتبهدلت وايد وياه يعني صج تعب والحمل مع وجود تليف وايد صعب لانه حجم التليف يكبر مع هرمون الحمل وهرمون الدورة بس بحالتي انا صار عندي اجهاض بعد شهر ونص حمل والدكاترة ما اكتشفوا التليف بعدها بكمن شهر حملت وبديت اخذ كل اسبوع ابر تثبيت حمللين الشهر الرابع تعبت وايد لدؤجه ماكنت اروم امشي بالاخر اكتشفوا انه فيني FIBROAD واللي هو تليف داخل الرحم تميت اخر شهور كله بالمستشفى وقالوا لي ولاده بالسابع بس انا ايماني كان وايد كبير بالله وخليته ع ربي
اخر شهر حمل يعني بالتاسع يولدونج غصب وبهدله يعني اييج ويع الولاده كل يوم بس اخر شي ولدت بالسلامه بعد الولاده اتفاجا الدكتوة تقول وصل 15 سم ولازم عمليه يشلون الرحم بكبره لانه التليف كبير واحتمال يستوي نزيف اثناء الولاده
بعد الولاده ب 6 شهور رديت حملت ع كلام الدكاترة لانهم بيشلون الرحم فقالو لي ع الاقل يكون عندج 3 عيال كملت حملي بتعب كبير وبعد الولاده صار لي نزيف حاد لدرجه اني اتصلت بريلي اقوله سامحني تراني احتضر
بعد النزيف قررت اسوي العمليه واشل الرحم بس الحمد الله الدوله سفرتني تايلند وهناك ضحكت الدكتورة قالت لارحم بنشل ولا شي
احينه كملت عالعمليه 7 سنين بس مارديت حملت بس اتوقع انه بيكون حمل طبيعي ان شاء الله
انتي لاتحاتين خليج قويه واهم شي يكون عندج ثقه بالدكتور اللي تتعالجن عنده انا شلوا لي التليف وكان 16 سم والعمليه جدا بسيطه مالت ساعه ونص
اتوكلي عالله ترا التليف ماله علاج غير عمليه وهو بالعاده يكون وراثه بالعايله
واسال الله العظيم رب العرش العظيم انه يشل عنج كل باس وطهور ان شاء الله[/QUOT

يزاااااج الله ألف خير وانشالله لصارلج كله أجر لج إنشالله يالغاليه ومشكوووره وايد انه عطيتيني من وقتج غناتي ، ربي يرزقج انشالله أخو او أخت لليهال ويرزقني ويرزق المحرومين ، أنا دكتوره ودكتور أجمعوا انه هو سبب للاجهاض بس دكتور وليد قال ماله دخل بالاحهاض بس مع هذا نصحني بالعمليه عشان الآلام لاحس فيها آلام حاده والله في ظهري ونفخه واضحه في بطني جنه حامل بس الحمدلله أنا متوكله على ربي وأكيد خيره لصارلي وصارلج وكلشئ بأجره أنشالله

مشكوره حبيبتي كفايه أنج دعيتيلي ولج بالمثل أنشالله