تكيس المبايض

مرحبا خواتي شحالكم

انا عندي مشكله الي هي تكيس المبايض وهالشي ماخر حملي
الحمل الاول تاخرت 5 سنوات وانا اراجع ما بين العيادات واخر شي
عرفت ان تكيس وعلى ادويه ومنشطات وابر حملت ولله الحمد
الحمل الثاني حملته وانا ما ادري بس بعد مده طويله والحين ابي احمل
بس تعبت نفسيا من الادويه ابي علاج ثاني للتكيس

اله يعينج اختي بس سؤال لو سمحتي عند اي دكتوره تراجعين

وربي يشافيج ويعافيج ويرزقج بالذريه الصالحه عاجلا وليس اجلا

السلام عليكم
صباح الخير

اعرف وحدة كان فيها تكيس في المبايض واتحيمت (سوت حجامة)
واااااايد استفادت ،، لأن اول شي قالولها بيعالجونها بالهرمونات وما نفع
وعقب الحيامة تبارك الله كل شي تمام

1- عن أبي هريرة، قال رسول الله صلى الله عليه وسلم: "من احتجم لسبعة عشرة من الشهر، وتسعة عشرة، وإحدى وعشرين، كان له شفاء من كل داء" حديث حسن (انظر صحيح الجامع 5968).

2- وعنه أيضا: قال رسول الله صلى الله عليه وسلم: "من احتجم لسبع عشرة وتسع عشرة وإحدى وعشرين كان شفاء من كل داء" حديث حسن (انظر صحيح سنن أبي داوود 3861 والصحيحة 622).

3- وعنه أيضا: قال رسول الله صلى الله عليه وسلم: "أخبرني جبريل أن الحجم أنفع ما تداوى به الناس" (صحيح الجامع 218).

4- وعن سمرة، قال رسول الله صلى الله عليه وسلم: "خير ما تداويتم به الحجامة" (صحيح الجامع 3323).

5 – وعن جابر، قال رسول الله صلى الله عليه وسلم: "إن في الحجم شفاء" (مختصر مسلم 1480 وصحيح الجامع 2128).

انا حاولت اييب لج احاديث صحيحة وانتي اتأكدي
اممممممم وانا بعد فيني تكيس فالمبايض بس لين الحين ما تحركت (هيز)
الله يشفيني ويشفيج

السلام عليكم
انا كان فيني تكيس وايد والمعروف انه لما يكون فيج تكيس يكون في ضعف التبويض
ولله الحمد وايد خف عندي

شوفي العلاج الي سويته قالتلي الدكتوراه لازم اتنزيل وزنج واقل شئ 7كيلو عشان يخف التكيس وعطتني جلفوكاج معروف هذا دوا هذا لمرضى السكر بس مفيد لحالات التكيس بعد والمعروف انه الوزن يوم بزيد اتزيد الهرمونات الذكريه فعشان جي يصير عندج ضعف تبويض

انا الحمدلله وشكر نزلت من وزني 11 كيلو وخف عندي وااااايد التكيس وصار عندي تبويض طبيعي وكل شئ أوكي من غير كلوميد ومنشطات ولا أي دوا

حبيت أفيدك والله يرزقج بحمل سليم معافى حسن الخلق والخلق عاجل غير اجل يارب

للرفع

معروووف عن تكيس المبايض السبب هو الوزن الزايد

الله يشفيك ويرزقك بالذرية الصالحة