المسيحة أم محمد اللي في دبا آلفجيرة

السلام عليكم ورحمة الله وبركاته
بنات منو جربت مساح أم محمد لعلاج ألتاخر في الحمل واستفادت أو تعرف حد جربها واستفاد
أنا امتسحت عندها الشهر اللي طاف وسوت لي خبأن وقالت أن شاء الله بتحملين هالشهر واذا ما حملتي تعالي الدورة الياية وبمسحج مرة ثانية ومن يومها الدورة ما شرفت لها عشرة أيام متأخرة وسويت تحليل حمل منزلي وما في حمل .. . من صار لها مثلي مع أن اللي أعرفه المفروض الدورة تتقدم مب تتأخر

وين ردودكم
عالأقل دعوة حلوة منكم

يا رب تكوني حامل

الله يسمع منج خيتو ويعطيج على قد نيتج بس سويت فحص منزلي وطلع سالب

ليش تتأخر الدورة أحسن تروحين عياده تفحصين ان شاء الله خير ..
الله يرزقج يارب بالحمل ..
ربي لاتذرني فردا وانت خير الوارثين ..

ما ادري ليش وابا اسير عيادة افحص بس ريلي مب راضي يقتنع يقول اذا فحصت وقالوا ما في شي بتتعب نفسيتي اكثر لاني من سبع شهور فحصت وقالت الدكتورة كل شي طبيعي واللي مسحتني قالت الرحم فمكانه يعني طبيعي بعد والله كريم

الله يرزقني ويرزق جميع المحرومين بالذرية الصالحة عاجلا غير آجل