مستشفى الحياة ولا النور

بنات طالبتنكن طلبه

والله أني طفرت من ويهي من كثر الحبوب اللي بدت تطلع فيه

هذا غير الشعر اللي متروس قشرة وخايفه أن يكون فيه فطريات

أريد أسأل من يعرف دكتور الجليدة اللي في الحياة أو النور

شو رايكم فيهم لأني ما أعرف عنهم شي

جربت معظم العيادات والمستشفيات الثانية بس ما نفع

شو رايكم انتم

دلوني الله يخليكم ويا ريت لو تكون دكتوره

ان شاءالله الخواات يفيدونج…
والسموحه منج…..

محد رد علي إلا أم حمود ( مشكوووورة الغالية)

معقوله محد سمع عن الدكاتره في هذه المستشفى

انا في خاطري اعرف بعد

انا جربت دكتور هندي في مستشفى النور وعلاجه عادي ما فادني
واما مستشفى الحياه لا ما جربته
بنت عمي تتعالج عند دكتور عاطف سدراك اللي في المستشفى العنايه التخصصي واللي يسمونه الناس مستشفى عوض

غنوجه مشكووورة على درج

يعني أشطب مستشفى النور بااااقي الحياة

دكتور عاطف مجربتنه بس كله يريد يعطيني حبوب أكلهن هذه اللي تسبب تشوه الجنين إذا حملتي
عشان جذيه أنا ما أريد أروح عنده

محد يدري متى يكتبلي الله أحمل

روحي عند دكتوره سؤدد أعتقد جذيه اسمها هي عراقيه
العياده في شارع خليفه أعتقد نفس عمارة صالون
سيدتي الجميله …….. البنات يمدحونها يقولون تسوي خلطه ب1000 درهم
بس مضمونه