هذا الموضوع خاص وهام لصاحبات البشرة الدهنية… فكرة هالموضوع منقوله من منتدى آخر لحفظ الحقوق … وحبيت اطرحها على بنات منتدى سيدات الإمارات …
البشرة الدهنية تعتبر من أكثر الأنواع المنتشرة في دولنا الخليجية وهذا بسبب المناخ الحار وأكيد نحن وايد محتارين في العناية ببشرتنا وفي اختيار المكياج اللي لازم نستخدمه
هذا الموضوع راح يساعدنا على التعرف أكثر على البشرة الدهنية وعلى الأشياء اللي تناسبها من خلال تجاربنا.
ففي هذا الموضوع حابة أنا وخواتي من صاحبات البشرة الدهنية نشترك في العناية ببشرتنا من الألف إلى الياء
ومن خلاله بنتطرق إلى تجاربنا الشخصية في كيفية العناية بالبشرة الدهنية و مستحضرات التجميل إلى نستخدمها مع الشرح والصور … ونذكر كل مستحضر وفعاليته بعد تجربته … ولا تنسون الصور 
عشان نستفيد من بعض ونشوف حل للمشاكل الي نتعرض لها …
فهذا الملف إن شاء الله بيكون شامل ومتنوع ومفيد لي ولغيري
وإن شاء الله بذكر لكم كيف اعتني ببشرتي الدهنية وشو المستحضرات الجيدة لها ..
فهرس الموضوع :
1- المنظف
2- الماسك
3- المقشر
4-المرطب
5- المكياج ( كريمات الأساس + البودرة + كريمات التحكم في الدهون )
ترقبوا
لبشرة الدهنية ذات جلد دهني يبدو لماعاً أحياناً مع مسامات وإذا لمستيه شعرتي بمرونته واسترخائه وهو شديد القابلية على التبقع وذلك نتيجة الإفراط في عمل الغدد الدهنية التي تفرز الدهن المتزايد، وإفراط عمل هذه الغدد يكون تحت تأثير هرمونات معينة تفرزها الغدد الصم
أما الدهن المتزايد فهو السبب في انسداد مجاري الغدد وهو الذي يؤدي إلى الالتهابات وتشكيل الرؤوس السود التي تعرف (بالزوان) بالاضافة إلى فساد المكياج بعد عدة ساعات من وضعة
ويتركز إفراز الدهنيات عادة في مناطق معينة في الجسم حيث يزيد في هذه المناطق عدد الغدد الدهنية ففي الوجه تتركز الدهنيات على شكل حرف (T- zone) في الجبهة والأنف والذقن وفي الجسم تتوزع في منطقة الصدر والكتف والظهر وذلك حسب توزيع الغدد الدهنية
تمتاز البشرة الدهنية بأنها مقاومة للتجاعيد ولا يتكون عليها خطوط الجفاف ، كما أنها تبقى بشرة مرنة مدة طويلة نظراً لإرتفاع نسبة الزيوت والدهون فيها…
نبدأ بالمنظفات الجيدة للبشرة الدهنية :
بخبركم عن تجربتي مع صابون نيتروجينا السائل .. ووصفه لي دكتور جلدي … وتميت عليه لعدة سنوات .. وكل ما يظهر شئ يديد في نيتروجينا اودر الجديم وآخذ اليديد ..
بديت بهذا :
وبعدين استخدمت هذا :
احسه وايد أوكيه يجفف البشرة وينظفها من الدهون والأوساخ ..
وبعدها استخدمت هذا :
ماسك ومنظف للبشرة …. حلو بس انا حبيت الديب كلين اكثر …
وبعدين خذت الرأكويتان و وقفت هالصابون لأن الرأكيوتان وايد يجفف البشرة … وخذت صابون ماركة ثانية للبشرة العادية …
خذت هالماسك من نيتروجينا :
وبعدها ودرته واستخدمت ماسكات طبيعية بذكرهم :
ماسك 1 :
عبارة عن ملعقة صغيرة حليب بودرة + ملعقة صغيرة شوفان + ملعقة صغيرة نشا الذرة + لبن
واخطلهم واحطيه على ويهي تقريبا 20 دقيقه …. هذا الماسك لين اليوم استخدمه .. وااايد أوكيه ويبيض البشرة …
ماسك (2) :
عبارة عن بياض بيضة وحدة + لبن + شوفان مطحون واخطلهم لين مايصير مثل المعجون واحطيه على ويهي 20 دقيقه .. وبياض البيض وااااايد يبيض البشرة … ووممتاز لإزالة الأوساخ والدهون ….
…….
استخدمت هذا قبل سنتين لفترة شهرين تقريبا في الأسبوع مرة :
وايد أوكيه …
واستخدمت هالمقشر فترة من الوقت … وأحسه جيد :
وبعدها استخدمت مقشر من ايستي لودر : مادري شوو هو بالضبط مقشر ولا شئ ثاني
مول ما حبيته … احسه يطلع حرارة في الويه … ومب مريح .. و ودرته بعد فترة ..
وبعدها ويهي كان يتقشر بروحه من الرأكيوتان فوقفت كل شئ …
………
استخدمت مرطب من جفينشي :
وايد حلو للبشرة .. وهو لجميع أنواع البشرة … وحتى الدهنية …
وبعدها قلت بغيره.. احب التغيير …. فاستخدمت مرطب من ايستي لودر للبشرة العادية والمختلطة :
بس حبيت جفنشي أكثر من هذا …
وحاليا استخدم مرطب وكريمات تقشير ومنظف من اوباجي …..
ماشوف احد رد أو تفاعل مع الموضوع … نبا نعرف تجاربكم ومستحضراتكم الخاصة بالبشرة الدهنية …
اما المكياج فأنتظروني
وانا بشرتي دهنية وااايد اعاني منها وخااصة في الصيف ><
طلعتيلناا بفكره هالموضوع الروعه .. احس وايد بنفيد بعض .. خاصه واني تميت فتره طويله واناا احووص والوووص مب عارفه شوو الحل وياا بشرتي الدهنيه ..
لي عوده انشالله .. وبتعلم احط صور << مااعرف ^^