أخواتي العضوات، تعالوا هنيه عندي لكن خبر مهم

إذا شفتوا أي عضوة تمدح منتج أو كريم ينباع عن طريق مندوبة مثلاً واتحسنها مش ثقة، فنصيحتي لكم لا تتهورن ولا تتسرعن وتشترن هالمنتج، الحركة هاي جديمة وشبعنا منها، والتجارة اللي تعتمد على الغش والتدليس والضحك على الذقون، يفتح الله يختي، ما نباها.

والشي الثاني بخصوص الخلطات الطبيعية، فيه بنات يألفون خلطات من عندهن ويقولن والله نحن يربناها ونفعت ويانا وايد وما أدري شو، وهن أصلاً يضحكن عليكن، يخترعونها ويبونكم اطبقونها وهن ما يربوها بس ماخذينكم امقصة ، فالأحسن انكن ما تاخذن أي خلطة اتحسن إنها مشكوك فيها.

في كل الأحوال، القانون لا يحمي المغفلين، ما أدري شو خص هالعبارة بس يت ع بالي ههههههههههه

المهم

اتحذرن خواتي، ترى فيه بنات وحريم ما عندهن ضمير ولا يخافن ربهن، والجذب عندهن ابيزة، عافانا الله، والله يشفيهن مما ابتلاهن!

مشكـــــــــــــورة الغالية على النصيحة
ويزاج الله خير

بس الناس اجناس
فيهم الزين وفيهم الشين
فيهم الصادق وفيهم المحتال
ولكـــــــــن ،
غلط منا إنا نجمعهم يميع لانه ظلم لهم ولخبرتهم
وربج هو العالم بكل صغيرة وكبيرة

والسموحة

صدقت يا ختيه

صدقتي انا خلاص حرمت لا بشتري شي من النت ولا باخذ شي ولا بثق في اي حد لانه الصرااحه يتنيه قررصه قووووووووووويه..

والله من فتره شاريهمن المنتدى كريمات وصوابييييييييين وماسكااااات كلهن خرطيييييي!!!

يرفع لعيوووووووووون هيفاء النعيمي

احنا نحاول نلحق هالمواضيع ونمسحها..وجزى الله الخير العضوات بعد ينبهونا لهانوعيه
بس المشكلة ماشاءالله من تحط الوحده من هذيل موضوعها الا صفحتين من الردود طالبين منها؟؟!!!
مادري شو هالثقه الغريبه لاي دعاية مبهمه..وياليت بعد تاجره..لا تكون وحده توها مشتركه وتبى تقص على البنات