شحالكن بنات عساكن الا بخيـــر ،،
طبعا الاجازة حلوة و الاعتناء بالبشرة شي لابد منه و خصووصــا في هالحــــر ،،،
من يوميــن سرت البوادي مــــول ،،قلت بشوف المحلات اليديدة
و طبعــا اتفاجأت بانه محل فروت آند باشن فتح في العين ،،
هذي منتجات كنديــــــــــه رووووعـــه يا بنات و ريحة فروووت عجيبـــه
بلا بوودي شووب بلاااا مقصـــة
هذا الموقع
https://ca.fruits-passion.com/en/index.asp
أول شي شووفن في منتجات كل الفواكة و فيها طقم كامل من كل شي شور جل و سبا و عطر و لوشن و وكل الي تبينــه ،، يعني تاخذين بالحبة الي تبينه
ثاني شي و اهم شي منتجات السكراب الطبيعية هذا الشي الي يميز المحل ،،
صدق تحسين انه طبيعي و ريحة الطبيعة و الزيووت ،، ،، كل منتجات زيوت البابوباه ،، و في انواع و اشكال و هذي انصح فيها الكل الصراحة بتاخذينها و ما بتندمين ،،
و فيه انواع مختلفه على حسب التركيبه يعني الي بزيت البابوباه مع زيت النارجيل مع خلاصة الاعشاب ،، يعني على حسب انتي ما تبين و نوع بشرتج
انا خذت من هالانواع الي في الصور
امقشــر الجســــم البابوباه مع الطين و الاعشاب
الشور جــــــــــل البابوباه ،، الكريم وزبدة الجسم خذتهن بعد بس ماحطيت صورهن،،، بس نفس الشكل
الصــابونـــة البابوباه
ثالث شي منجات العناية بالقدمين في برتقال و في نوع ثاني نعناع ،، ودااعــا للصوالين ،، سوي بوديكير في البيت
و الله عجييبه طبيعية جنج اتحطين برتقال و لا نعناع في ريولج خصوصا من تردين من الحواطة كل شي من سكراب و كريم وو و … الخ
و خذت مقشر البرتقــــــــــال رووعه ريحته فنانه ،، تستانسين يووم تحطينه يبرد على ريولج خصوصا عقب الدوام
و هذا مقشر الافوكادوو
و هذا الزيت مع الشمعه يعطي ريحة حلوة في الغرفة
و فيه الي فيه عيدان خشب شكل مميز و حلو
و طبعا فيه عطور مختلفه ،، و انواع وااايد
و فيه منتجات البشرة و جلووساات حلوة
عادة هم لازم يعطونيه كوميشن سويتلهم دعاية ،، بس هاا نصيحة بنات لا تاخذن اي شي ما يناسبكن
انا يلست احوط ساعة في المحل لين ما اتنقيت الي اباه ،، طبعا الصبح ما فيه حد فاااضي
و راعية المحل تقولي خذي خذي ،، تبا تشرينيه المحل كله ههههههههههه
انا شفت المميز و بعدين تميت اقرا المكونات و كمية كل مادة فيـه ( من حكم دراستيـه) و صدق عقب التجربه منتجات البابوباه لوول الاسم عجييب ،،
و فيه بعد زيت الزيتون حلو ،،، و الشاي الاخضر بس انا ما خذتهن
اقولها انا ما آخذ غير الي احس عمريه باستخدمة و يفيدنيــه،، هب اشتريه و افره في الكبت لووووووووول
يربنها و ادعوليــه بنات بالتوفيج ،، و اتريــا طلاتكن الحلوة و ردووكن المميــزة
وغسول للويه؟
مصنفينهن للبشرة الدهنيه والجافة………؟
المشاركة الأصلية كتبت بواسطة الاديبه 
وغسول للويه؟
مصنفينهن للبشرة الدهنيه والجافة………؟
عندهم منتجات البشرة ،، بس ما شفت السن بلوك ،،
الكريمات و غسول الويه طبعا لا تستخدمون غسول الجسم للويـــه تحذرهن
شوفي الموقع او اتصلي فيهم
بس شو اسعاارهم ؟؟
المشاركة الأصلية كتبت بواسطة أم رويض بس شو اسعاارهم ؟؟
زينه يعني ،،، يتفاوتن الاسعار فيه من 30-100 او في حدود 100-250 درهم