هلا خواتي
الغاليات ناوية اسير اتعالج عند الدكتورة سعاد لطفي الكل يمدحها ووايد شفت لها لقاءات كانت تبرد الفواد الله يحفظها
عندي اساله اتمنى تجاوبون عليها:
1- وين موقعها في دبي وجم رقم العياده واسمها؟
2- لازم اخذ موعد ولا مب شرط؟
3- تفتح يوم الجمعه ولا لا؟
4- بجم تفتحون ملف عندها؟
5- البوتكس على جم تسويه؟
6- الفلرز على جم؟
7- منو جرب عندها ابر الصدر للتكبير؟
8- شو اسعارها بالضبط؟
9- بالنسبه لليزر على جم تسوي الجلسه؟
10 -تعالج الاطفال من دون ال5 سنوات ولا لا؟
اي شي عندكم لاتبخلون فيه علي ارجوكم ما ابغي اتفشل وانا سايره عندها
كل اللي تعالجوا عندها يكتبون تجربتهم.
واللي تعالجت من البقع والحبوب اللي في الكتف عندها والظهر تكتب لي تجربتها وعلى جم سوت لها العلاج
وسامحوني يالغاليات كثرت عليكم
على فكرة ردوا بسرعه لاني ابغي اخذ عندها موعد هالاسبوع
ربيعة اختي سوت عندها ليزر لويها بـ 200 من شهرين وللحين ماطلع لها شعر
وان شاء الله بسير لها خلال هالشهر
بالنسبه لسعاد لطفي
دورت عليها بالنت
والصراحه يقولون ان موعيدها مب مضبوطه يعني تعطيج موعد الساعه خمسه وتدشين عندها سته ونص
تخييييييييسين لين تشوفينها
ويوم تدشين عندها ماترد على كل استفساراتج وكل همها تدخل اكبر عدد من الموجودين
وبعد قريت وايد بنات يشتكون من خلطاتها ويقولون ان كلها كرتزون وكيماويه
وشيء بنات تحسسوا منها
الصراحه ما انصحج بها
وترومين تسوين سرج في قوقل وبتشوفين بنفسج
وهاي نصيحتي لج
استشارة بس وفتح ملف ب300 درهم طبعا هذا فالعين وتكون متواجدة يوم الاربعا فقط فالعين
انا سرت لها عمدي مشكلة في ويهي وقالت وحمة ولازم اتعالج على جهاز اسمة اليكس طبعا جهاز ليزر قالت ما بعطيج لا كريمات ولا غيرة ما يخوز اللي في ويهج الا الليزر
والليزر اللي بسويه الجلسة ب500 درهم تقريبا كل شهر لكن المصيبة في دبي يعني ماشي فالعين
هذا اللي اعرفة فديتج
وعن الليزر للجسم كامل ب3500 بس لازم تاخذين موعد
احس مبالغه في اسعارها وماديه اكثر من انها تفيد هذا رايي فيها عن تجربه
بالنسبه للمواعيد كلام فاضي و زحمه واااااايد و يعني انا خذت عندها موعد الساعه 5 و دشيت عندها الساعه 7 .
و يوم الجمعه ما تفتح
و مكانها في المدينه الطبيه بلوك 27 .
رقمها 4298488 – 04
و بالنسبه للاسعار اجوفها نوعا ما مناسبه مقارنة باسعار العيادات التجميليه الاخرى .
والردود الطيبه يعطيكم العافية