طبعا نحن كنساء ما نستغنى عن منتجات العناية بالبشرة…
وشكثر نحتار ونلف وندور لين ما نستقر على شي معين ونرتاح في استخدامه..
وطبعا دايما نلف ع المحلات المعتادة…:
بودي شوب…..
فروتس أند باشن…..
ماركس وسبنسر…..
وغيرها من ها المحلات المعروفة واللي دارجة في البلاد…..
المهم……اليوم بنقل لكم تجربتي مع محل ما كنت أعبره..
ولا أسوي له سالفة…
مع أن البياعات حليلهم كل ما أمر يرحبون ويطلبون مني أجرب منتجاتهم…
المحل إسمه
فروعه في مول الوحدة..
وفي المارينا مول…
أنا بحط لكم بعض منتجاتهم…
وبخبركم شو اللي شريته منهم…. وشو اللي جربته في المحل….
نبدأ بـ منتجات العناية بالبشرة…
هذا الـ black sugar scrub
طبعا معروف فعالية السكر في التقشير..
وها المواد مصنوعة من ماي البحر..
جربتهم في المحل.. صدق ريحتهم رهييييبة..في منه كريمات وسبراي وماسكات..
وميزته أن الكريم بعد ما تفركينه يتحول لماي يرطب الجسم!!!
ها المنتجات لتنظيف الوجة..
مصنوعة من الورد….ريحتهم خفيييييفة.. ومنعشه… بعد جربتهم في المحل وناوية أرجع أشتري منهم…
rose clean water
rose cream cleanser
كمادات للعيون…
بس ما خذت منهم..
Missha Deep Sea Water Gel Eye Patch
لزقة الرؤوس السودا…
خذت منهم بس ما جربتهم لحد ألحين..
وعندهم مجموعة منوعة من الماسكات…
[ [ [ [ [ [ [ يتبـــــــــــــــع ] ] ] ] ] ] ]
بصراحة أشياءهم عجيييييييبة….. أنا تخبلت عليهم….
روائح منوعة.. وكل مجموعة تتضمن شامبو الجسم، اللوشن، السبراي، كريم الجسم، زبدة الجسم، كريم اليد…
بخبركم عن اللي أنا شريته…
بما أني حابه أغير عن الروائح الاعتيادية…فراولة.. توت.. فانيليا…..
شريت من عندهم بريحة عشبة أسمها YLANG YLANG
روووووعة ريحتها….
أنصحكم تجربونها……
وهذي مختارات من الأشياء الثانية اللي عندهم….
كريم الرجل…
مقشر الرجل…
شامبو الجسم….
سبراي الجسم…
المكياج…
خذت أختي منهم الماسكرا ووايد عجبتها….
رغم أن قبل كانت ما تعجبها إلا مسكرة لانكوم..
وخذت المرطب…
وهاي بعض مستحضرات المكياج اللي عندهم…
بيس
كريم أساس
كونسيلر
بودرة
آيلينر
أرواج وجلوسات…
[ [ [ [ [ [ [ يتبـــــــــــــــع ] ] ] ] ] ] ]
وأخييييرا…… الكماليات والاكسسوارات والفرش……
لقص الحواجب…
ما شفتها في المحل.. بس شكلي بروح آخذها…
يابنات.. ترى الموضوع اجتهاد شخصي…والصور من موقع المحل على النت..
اسمحوا لي إذا قصرت بشي….
وأتمنى اللي عندها فكرة عن المحل،،،، أو اللي خذت شي منه تفيدنا بتجربتها…
وأتمنى يعجبكم موضوعي……
مشكوره على هالموضوع الحلو
المشاركة الأصلية كتبت بواسطة طموحة 
مشكوره على هالموضوع الحلو
مشكورة الغالية عيونج الحلوة….
عاد لا تنسين تخبرينا شو خذتي…..
و هالمحل من كوريا
وااايد يهتمون ببشراتهم هناك فأكيد بتكون منتجاتهم حلوه
تسلميييين الغاليه