شحالكن يا بنات ..
الصراحة أنااا بغيت أتناقش وياكن عن حبوب الريكوتين لان ما عندي حد غيركن وانا ادري انكن حبوبات وما بتقصرن فشي ~=)
أولا بقولكم طبيعة بشرتي:
ممم أنااا بشرتي دهنية بس مب وااااااااااااااااااااايد بس تظهرلي حبوب بس بعد مب بشكل كبير يعني كل شهر تقريبا عشر حبات –<< حاسبة الأخت :q
بس ويهي مبقع بالهبل لدرجة انه بشرتي مش مبينه .. يعني البقع أكثر من الحبوب ..
المهم 2 /8 سرت عند الدكتورة في مستشفى حكومي وقالتلي لازم اسوي تحاليل قبل الموعد الياي والموعد بيكون تاريخ 29/8 وعقب ببدأ العلاج
بس حاليا عطتني مضاد حيوي + كريم حق البقع + رتن أ + لوشن Zineryt+ غسول للبشرة الدهنية + واقي شمس
المهم بديت استخدمهم و مرن يومين والا بويهي شااااااااااااااب نار أحمر من الخاطر ومنتفخ ويحرقني
مارمت استحمل جان اسير عندها بدون موعد –<< وذلتني النيرس ماخلتني ادش عندها تقول ما عندج موعد لدرجة اني بغيت اصيح لان ويهي يحرقني وموووووووول مب فايجتلهاا
المهم يوم جافتني الدكتورة قالت وقفي الكريمات اللي عطيتج اياهاا وعطتني كريمين حق الحساسية وحبة حق الحساسية بعد
يعني بشرتي حساسة ما تتحمل الكريمات 
حرااااااااااااااااااااااااااااااام يعني ويهي بيتم مبقع طوووووووووول عمري؟؟
المهم بغيت أشاوركن .. حبوب الريكوتين بتنفعني ؟ يعني بتخوز البقع والحبوب ؟؟
ممممم انزين يوم باخذ حبوب الريكوتين سمعت انه يسوي جفاف فكل الجسم وخاصة فالشفايف و يعق الشعر وآلام في العظام وطبعا انااا مش متزوجة يعني ما بحاتي الحمل وجي .. بغيت أعرف شو الأعراض الثانية وشو علي اسويه خلال هالفترة
السموحة ع الأطالة :$ بس بليز أبغي مساعدتكم لا تخذلوني 
سلامي لكم
طبعا انا ظهريه كان ممزور حب شباب وبقع ,, ووبعد فتره بدا يظهر لي فويهي ,, فكانت الدكتور تعطيني مرهم لحب الشباب وفادني فتره بس عقب قام ويهي مايتحمله وصدق ينصلخ منه فعقب عطتني الدكتوره هالحبوب
وتراها صدق تجفف بشكل عام بس انا كنت استانس لان بشرتيه دهنيه ويوم كنت اخذهن موليه ويهي او فروه راسي مادهن
بالنسبه لسالفه انها اطيح الشعر او اتييج الام فعظام ,, انا الصراحه موليه ماياني هالشي ,, بس ترى الاعراض تفرق من شخص لشخص
اكثر منطقة تضايجين من جفافها هي الشفايف لانها اتقطع بس انتي دوم خلي وياج الفازلين ,, الفازلين الطبي اللي يعطونج اياه الدختر احلى من العادي
اللي اعرفهم هالحبوب للحب الشباب مب للبقع ؟؟؟ ماادري الصراحه اذا بتفيدج بسالفه البقع ,,
بالنسبه لمضار هالحبوب تراها لاتعد ولا تحصى ,, وع فكره ترى انا عقب فتره من استخدامي بهالحبوب يعني تقريبا يمكن سنه يتني الجلطه ,, وطبعا انا صغيره ع هالسوالف فالدكاتره قالوا انه احتمال كبير السبب هو هالحبوب لان اصلا سووالي فحص شامل وشافوا انه ماشي سبب للجلطه غير هالحبوب
انتي استخيري قبل لا تاخذيهن ,, لان الاعراض تفرق من حد لحد ,, وترى حد من اهلنا يته اعراض ثانيه وترقد بسبت الحبوب فالدختر
فانتي استخيري والله يحفظج يارب من كل مرض
بس خفت
قلتي جلطة .. يعني شي مب هين ..
ماعندي غير هالحل لحبوب الشبااب .. أنااا مجبورة آآخذهم
وطبعااا اذا الريكوتين ما ناسبني أكيد بوقف الحبوب باستشارة الدكتورة وبعمل الفحوصات
لاهنتي ع الرد ..
انا كنت شراتج ويهي كان فيه حبوب وايد وظهرية نفس الشي وطبعا البشرة دهنيه..
عالجت الحبوب بالريكوتين والحمدالله كانت النتيجه واو…ظهرية استوى صافي وويهي اختفى الحب منه بنسبة 90% مع الاهتمام الدايم….. الحمدالله انا ما اثر علي سلبي شرات سقوط الشعر ولا آلام ثانية امممممم النتايج تختلف من شخص لاخر لانه ربيعتي سبب سقوط شعرها وزياده الحبوب….ربي يوفقج…
مثل : الجلطة أو يأثر على الكبد والكلى
أوووفف والله خايفة
لا تبخلون علي بتجاربكم وردودكم وانا بستخير وان شاء الله خير
انا افكر انه يتم مبقع ولا اني اعرض حياتي للخطر ..ترا انا وايد سمعت عن مضار هالحبوب
اهم شي اللي اسويه اني اهتم بويهي اهتمام شامل بس ما افكر اخذ حبوب ولا شياته