وااايد ف القسم اجوف مواضيع البنات لي يشتكن من حب الشباب والبقع وغيره . .
فقلت ماببخل عليكم بتجربتي
بسم الله نبدا من اول شي لين ماوصلت بالنتيجه الحين والحمدالله انه خف الحب من بشرتيه
قبل كانت بشرتيه وايد فيها حب شباب ويبين بعد وكل ماحط كريم او شي يبين يعني ماشي فايده وكبار
بعد قلت ماشي حل غير انه ابتدي العلاج والله يصبرني ان شاءالله . .
التجربه الاولى :
المكان : عيادة أوباجي
العـــلاج : عطتني الدكتوره حبوب الريكوتان وخف الحب بشكل طبيعي وكنت اخذه 6 شهور طبعا ويا تحليل الدم لازم اسويه وكانت معطتني أدويه منها
Toner
Bleching Cream
Cleaner Cream
وكنت ماستخدم الصابونه ولازم واقي شي . . المهم سوتلي ليزر 4 جلسات تقريبا كل جلسه كنت ادفع 2024 درهم غالي وايد بس اسوي عسب ويهي . . عاد اربع جلسات بكم احسبوها
من غير الادويه بعد اسعارقم غاليه الصراحه . . بس الكريمات قالتلي لازم ماتركهن مره وحده شوي شوي . .
النتيجه : الحمدالله الحب وايد خف من ويهي بس ما رااااح حتا ربيعاتي يقولون ماشاءالله ويهج استوا احسن عن قبل بوايد الحمدالله . .
عقب ماخلصت العلـاج ردت الحبوب تظهر ع الخفيف جني ماسويت شي انقهرت قلت الاااا واجوف دكتوره اوكيك اتخلصني من هالحب . .
جوفووو تجربتي الثانيه من عقب وين تعالجت . .
التجربة الثانيه :
المكان : مستشفا السلامه – بوظبي
دخلت عند الدكتوره وجافتني وجيكت ع بشرتيه وسالتني اذا كنت استخدم ادويه من قبل ولا وقلتلها عن اوباجي . . وخذت الوزن بعد عسب اتحدد الكميه كم تاخذينها
العــلاج : بديت الغلاج بحبوب T- RITIN وكل شهر لازم فحص وساعات اتقول لي هالشهر مالهااا حايه الفحص عادي بس اخذ الدوا . .
ف البدايه يوم خذت الدوا ظهرلي الحبوب كلها من ويهي وكانت نفسيتي دااااون ومن عقبهاااا بدا
الحب يخف شوي شوي والحمدالله الحينه الحينه افتكيت من الحبوب لي ف الويه
بس باقيلي البقع مالت الحبوب . . وعطتني دوااا من ماركة بيوديرما بعد الحمدالله اوكيك . .
من عقبها سالتها عن الهالات السوداااا بعد عطتني دوا ويا فيتامين سي . .
بتم عليهم شهر وان شاءالله ويهي يكون حلووو قبل العيد ان شاءالله
هــاي تجربتي ويا الحبوب واي استفسار تراني حاضره . .
واتمنى منكم دعوة صادقه ولي اطيح عينهاا ع توقيعي تدعيلي والله يرزق الكل وينور ويوهكم ان شاءالله . .
والسموحه منكم : أغليــك
استغفر الله
استغفر الله
وانا باجر ان شاء الله بسير ويل هيلث عند الدكتوره دينا .. وبشووف شو بتعطيني حق بقع واثار الحبوب اللي ف ويهي
واكيد بخبرك بنتايج اول ماتظهر
والله يرزقج ويرزقنا وينوور ويهناا قبل العيد ^^