عض الشفايف

أنا صراحة من الناس اللي دايما يعضون شفايفهم بس ما أدري ليش
أنا جيه من زماااااان وهاذي عادتي
في يوم من الأيان كنت داشة اليوتيوب عسب أدور طرق عمل تسريحات بسيطة
فشفت فيديو فيه صورة شفايف دخلته و واااااااااااااااو حصلت علاج بسيط لتشقق
الشفايف من العض راح أخبركم بس للأمانة أنا قارية هالخلطة في أحد المنتديات
بس طنشت بس سةيتها بعد شفت الفيديو
الطريقة هي
أولا الأدوات
فااازلين
عسل
فرشاة أسنان ( غير عن اللي تستخدمينها )
جيلسوليد

الطريقة
– حطي الفازلين بشفايفج بكمية كبيرة
– بعدين ييبي الفرشاة وأفركيها عالشفايف بقوة فوق طبقة الفازلين
– استمري بالفرك لين يخلص الفازلين
– بعدها حطي طبقة متوسطة من العسل عشفايفج وخليه تقريبا 6 دقائق ماراح اتحسن به راح
يكون شرات المرطب .
– بعد مايروح العسل حطي طبقة من الجيلسوليد الأحمر واللي ما يعرفونه هاذي صورته

– خلي الجلسوليد عشفايفج عسب تمتصه .
– والخطوة الأخيرة تمتعي بشفاة وردية و صافية نقية بلا تشققات وجذاابة

وأخيرا أتمنى إني أفدتكم جميعا وأرجو إنكم تجربونها وخبروني النتائج
ملاحظة : في طريقة ثانية بس ؟ ما بخبركم إلا إذا رديتو علي خخخ