بنات عندي مشكلة في الدوااااااااااام ابا اشتكي ابا اتكلم عن الظلم بس بغيت اعرف هل هالمشكلة بس موجودة عندنا ولا في كل مكااااااااان
مشكلتي يا جماعة ومشكلت تقريبا اغلبية الجامعيات في الدوام تخيلووو يا بنااااااات والي الله ما يرضاها اني اشتغل شغله والله والله الي مب متعلم بيعرف يشتغل هالشغلة
المهم
المدير الي المفروض يكون عادل ويقدر الانسان الدارس والفاهم يوم يعين حد في الادارة او مسؤول لشيء حط وحدة عندها ثانوية عامة او اعدادية على منو على الجامعيات ابا اعرف هذا في اي قانون يطبق وعلى اي اساس
بتقولون الخبره ترانا نحن اقدم الموظفات لكن ما ادري الي يدلعن ورازات ويوهن عند المدير هن الي وصلن ونحن الي حاشمات عمارنا محد معطنه اي اهتمام او تقدير
والله ساعات اتحسف على الدراسة الي درستها وعلى عمري الي ضاع في الدراسة والسهر والتعب الي تعبته عشان احصل هالمعاملة والظلم في هالدائرة
ويوم اندش على المدير انكلمه عن وضعنا يقولنا ماشي شاغر في المكان الفلاني اقوله يا اخي انا تخصصي في هالمجال يقولي ماشي مكان خلج في مكانج وان شاء الله خير
انزييييييييييييين ليش تعين موظفة يديدة وتخليها مسؤولة ليش عشان الواسطة
والله الواحد صار ما يحب يسير الدوام ويشتغل من وراء خاطرة ودايما افكر اقدم في اماكن ثانية لكن ادري ما بحصل بسهولة والواحد يقول الحمد الله
بس سؤالي هو ليش فتحوا عندنا جامعات وكليات وفي الاخير الجامعي ماله نصيب ووظيفة الا بصعوبة والميزانية بتقل بس عشان راتب هالجامعي
جان فتحو بس عندنا المدارس واكتفو
والله الي عندنا الدوام بصيح على حالنا نحن الجامعيات وين يالسات في اقذر مكان من حيث النظافة والترتيب حتى مكاتب ما عدنا وكله الميزانية تعبانه
ولكن الموظفة اليديدة على طول جهزولها مكتب ومكان
ما اقوول غير حسبي الله ونعم الوكيل
بس خلج قويه ترى هذا الزمان مافيه مثل وهاى دلوعة المدير بييلها يوم بتمل وبتظهر اعطيها سنتين بس
والله اني صابرة وساكته لكن لصبر حدود
ما توقعت منكم