شحالكم يالغاليات
المهم
اليوم يايه اتكلم عن خلطتي استخدمتها من اسبوع وفادتني والله للتفتيح الاماكن الغامقه بجسمي
المههم انيي للمكونات
طبعا عارفين ان كريم الجلسرين والليمون يساعد عالبياض
فمكوناتي كانت
علبه جليسوليد الكبيره منها اكبر حجم
زيت جليسرين 150 مل تقريبا
<<تلاقينه عند العطار
زيت اللوز المر 50 مل تقريبا
ليمونتين كبار
نخلط هالمقادير زين ونحطهم بالثلاجه
انيي لوقت الاستحمام
تروحين للعطار وتشترين هالصابون
صابونه الحليب يوكو
كلمه روعه قليل عليه
افركي جسمك بهالصابون وخليه لا تغسلين بعدين جيبي فرشاه حق تنظيف الجسم مب ليفه فرشاه وافركي جسمك بس مو بقوة خليك رقيقه شوي افركي كل جسمك وغسلي عادي ونشفي زين وبعدين حطي من هالخلطه
والله العظيم اني انا شفت نتيجه مبهره باسبوع واحد بس ..انا بيضه بس عندي مناطق فيها سمار بجسمي وبقع داكنه بس جسمي الحين بدا يصير بلون موحد والمناطق الحساسه بدا لونها يفتح وركبي وكوعي تغير لونها بدرجه رهييييييييبة اول مره يفيدني شي فعلا
وانا متعوده اشيل المنطقه الحساسه بموس مب بحلاوة لانه يطلع لي دم واتحسس 
<<بشرتي حساسه
فهالاسبوع لما شلت من تحت بموس جبت حلاوة ونظفت المنطقه زين <<طبعا من بعد الموس للتوضيح يعني
وشي ثاني لتجنب الروائح بالمنطقه الحساسه تييبين دبه ماي صحه (مسافي او غيره ) اي حجم على كيفج مثل ماتحبين انا افضل الحجم الوسط عسب يخلص واسوي غيره تفتحينه وتحطين داخله كم حبه مره وخليه لحد ماتذوب ويصير الماي اصفر كل يوم تغسلين فيه المناطق الحساسه بالجسم (مره وحده بسسسسس باليوم انبه ) وايد مفيد للروايح والافرازات وطبعا الكل يعرف فوايد المر
والحمدالله انا فرحانه بالنتيجه اللي وصلت لها باسبوع
واتمنى اني افديكم بتجربتي بنات ويالله تشجعن وعن الهيازة مثلي اول
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
أول ما أحصل سيولة بروح أشتري لي المكونات
بس أقدر أحصل هالصابون من مكان غير العطار ؟
أخاف عطارنا ما عنده
وكريم الجيلوسيد موجود في الصيدليات ولا أقدر أحصله من كارفور؟
مشكوووووورة الغالية
بس عندي سؤال الحين لما احط الخلطة على جسمي مااغلسلها والا شلون ؟!!