طريقتي البيرفكت فالعناية ببشرة ويهي^____^مابا اي وحدة تعاني من عقب هاليوم

السلام عليكم ياحلوااااات

احس اني واايد مقصرة فحقكم ..معني بين فترة والثانية احب انزل دروس تفيد البنات فكل مناحي الحياة حبيت كلمة منااحي المهم..
اليوم بحطي لكم طريقة واااايد سهله وحلوة وماروم استغنى عنها ..

ماسك طبيعي واحب اسويه مرة فالاسبوع

وجانج متعايزة خليه مرة كل اسبوعين..

ولو اني متأكدة انه من اول مرة يوم بتشوفين النتايج بتقووولين واااااااااااااااو وينج يا مرااايم من زمااان جان كل يوم بسوي هالمااسك

اول شي انا بشرتي مختلطة بس هالخلطة اتناسب الكل لأني سويتها عخواتي وكلهم ارتاحلوها ..

ممم بقولكم شي عني..

انا وحدة وايد اعاند بنفسي وألجأ للحيلة بس عسب اتجنب الامور الي ما احبها

يعني مثلاً..الكل يعرف فوايد الجاي الاخضر,,بس اناا والجاااي مووول ما نتداااناا ولهالسبب احب ألجأ للمساكات الي بعيده عن امور يا اني اشربها او آكلها ..

ما علينا هذربت واايد ..

خلووونا انقول بسم الله ..ويلا انجهز المقااادير

هاتي قوطي روب منتهي+خميرة+طاسة (او لوعندج شرات الي وياي بعد زين)

بغسل الطاسة وبظيف خاشوقة كاملة صغيرة من الخميرة

والحينه الروب

واخلطي زين,,لاحظي قاعة الملة ,,مانبا هالترسبات الي تحت ,,ولاجنج ما سويتي شي لازم تتداخل الخميرة بالروب

بس جي تمام المزيج ..لاهو غليظ واايد ولا سايح واايد,,خليناه خليط نااعم وصافي

والحينه بييب ماي ورد بس مب واايد قد الغطاة

بصبه وبرد أخلط عدل عسب ما يطفي الماي فوق الروب ..لازم كله يكون مزيج وااحد

وبتريا من نص ساعه لي ساعه,,وانا افضل انه سااااعه ,,وبقوم بغسل ويهي بماي داافي

وعقب بييب قطن وماي ورد باااارد وبسوي مثل الضغطات عالخفيف عكامل ويهي ورقبتي

وووووووووووبس ^^

اتمنى اتجربوونها لأنكم بتستفيدون من خاااطر

لاحظوا مكوناتي كلها يلي استخدمتها فيها فواايد كبيرة

سواء ماي الورد ولا الخميرة او حتى الروب المنتهي وانا افضله عن الروب العادي لأنه تكون خمايره أكثر عن الروب العادي وهالشي يساعد البشرة عالترطيب ويفتحها ويمنع الحبوب والزيوت من الترسب وهالخرابيط الي تطلع عالويه واتخرب من جمالنا الفتاااان

عاد هالله هالله بعماااركم

والتجربة خير برهاااان يا حلوة

حسبي الله ﻻ اله اﻻ هو عليه توكلت وهو رب العرش العظيم ♡
مشكورة فديتج
بجربها ان شاء الله
الله يوفقج يارب

سلمت الأيادي
اكيد بنجرب … انا مع كل شي طبيعي

عاد كله ولا جمالنا الفتان ..ههههههه

يسلمووووو

أنا أسوي هالخلطة من فترة ل فترة
مفيدة وأستفدت منها

حلوه الطريقه الي حطيتيها يبالي اجربها..
انا طريقتي مختلفه شوي بدال الخميره احط
شوفان مع الروب و ماي ورد و النتيجه بعد حلوه…
تسلم ايدج اختي

شكرا اختي مريم ما قصرتي

و الله ان الطريقة جدا سهله
بس سالفة ان اخلي القناع ساعه .. واااابووووك

يزاج الله خير