بنات ساعدوني المنتجات إلي استعملها وايد أوكي بس مادري كيف اتخلص ؟؟

هلا بنات و حريم
أخباركم
بنات أنا صار لي فترة و قاعدة أهتم في بشرتي .. مشكلة بشرتي كالآتي :
– دهنية واااايد ( وايد أحصل تعليقات بسبب هالشي )
– بقع و اثار بسبب الحبوب (معني ما أتعبث فيها )
– مسامات ويهي مفتوحة
– أحس فيها شويت أحفر
طبعا تعبت و مليت من كثر ما اسير مستشفيات و عيادات عشان أعالج مشكلة بسرتي تكون حلولها مؤقتة و بعدين خلاص
.. أروح المستشفى يعطوني كريمات و أخلطها (نتيجتها أوكي بس يباااااااااله صبر بس للأسف يرجع بشرتي مثل ما كان و أكثر ) .. رحت عيادات يقولون لي إنتي ما ينفعج شي غير الحبوب .. طبعا هالحبوب ممنوعه حق وحده متزوجة أو تفكر إنها تحمل لأنه وايد مضرة و قعد الدكتور يعطيني من هالحبوب حوالي 4 شهور بس أنا قررت إنه اوقفها لأنه 3 مرات عطاتني بأنواع مختلفة و خفت الصراحة لا يستوي فيني شي بعدين .. وكان أوكي وايد خصبصا إنه خفف لي من الدهون إلي تطلع في بشرتي و الحبوب .. بس ما قدرت أكمله الصراحه ..
حاليا قاعده أستخدم مجموعه بسيطة أوكي لبشرتي ووووايد نفعتها بس اتضل مشكلتي ببشرتي الدهنية
قمت أستعمل مجموعة مقشر و غسول و كريم (نسيت أسم المنتج) المهم هو بخلاصة التوت و النعناع و وايد مفيد للبشرة الدهنية تحسينه ينشف الويه صح .. و خذيت لي مجموعة ثانية من تونر و غسول و كريم من محل ذا فيس شوب للعناية بالبشرة الدهنية وااااايد أوكي .. طبعا أنوع مره شي الصبح و مره المسى
الصراحة يخلي بشرتي ناشفه عدل و ناعمة
بس المشكلة بعد 5 أو 6 ساعات احس الدهون في ويهي تطلع بشكل و تسبب لي إحراج .. خذيت لي بعد Oil blotting paper بس أحس ما تكفي هههههههههههههه

فياريت تخبروني لو فيه حلول أو دكتور شاطر ممكن يحل لي سالفة بشرتي الدهنية إلي تعبت منها ..

أنـا من سنتين زبونة عندي طلبت دوآ من أميركة نسيت اسمه حتى علاج للبشرة الدهنية
وتقول استفادت عليه

بس والله نسيت اسمه

ان شاء الله البنآت بفيدونج
واذا انا عرفت المنتج بخبرج

تحياتي

ان شاءالله تحصلين الحل النهائي

مووووووووووووفقة

يااااااااااااريت حبيبتي

اختي انا بشرتيه نفسج..
بس انا قمت اغسل ويهي بماي وبعدين اصب ملح في ايدي كميه مش قليله واصب عليه شويه ماء عشان يذوب بس يتم في ايدي يعني ما يصير سائل بس ينعم وارجع افرك ويهي كامل بالملح واخليه لين هو بروحه يجف يمكن 5 او 10 دقايق وبعدين انفظه عن ويهي وما اغسل ويهي بعد اخليه فتره..
انا بصراحه نفعتني هالطريقه وااااااااااااااااااااااااااااااااااايد بشكل خيالي الحمد لله وماصرت اشل هم ويهي ابدا من بعدها..من اول مره بتلاحظين الفرق والنتايج..
جربيها ان شاء الله تنفعج

-اشتري منتجات كراسيل و استخدميها مرتين ف اليوم " المفشر عميق الفعول لعالجة المسام "
( كلمة رووعه شوي ف حق ها المنتج ولو خلص عني احسه شرات الهواء )

– و في خلطة انا جربتها ( كريم رتن اى- الكوم- الدوكين 4% )
سوي سيرج بتلقينها ف النت
و حطيها كل يوم المساء قبل ما تنامييييين و اغسلي ويهج الصبح بصابونة البابايا
و لمدة شهر شهر و عقب وقفي الخلطة
تعطيج نضارة و تفتيح و تشيل لج البقع