العنايه الشخصيه في الثلاثين

الرياضه مهتمه فيها اكيد و مقصره وايد في شرب الماي للاسف.. لاني اعشق القهوه و دايما اشرب كوفي و جاهي

حاولت احط لي نظام عنايه و شفت وايد فيديوهات في اليوتيوب و كل وحده شارحه بالتفصيل نظام العنايه الخاص فيها بس بعد احس مخي مب قادر يستوعب
ما بقولكم فيني كسل.. بالعكس احب اكون جميله و مرتبه بس ما استمر على نفس الروتين.. اكره الروتينات تراني

امس قعدت و حطيت جدول عنايه يومي و اسبوعي و شهري و اكتشفت اني بالاخير ما ظفت اي شي للي انا اسويه: تقشير جسم مره فالاسبوع، حمام زيت للشعر مره في الاسبوع، ترطيب للجسم يومي، شرب ٨ اكواب ماي يوميا، واقي شمس خلال النهار

ممكن حد يساعدني؟ يعني عصرت مخي مالقيت شي زياده ممكن اسويه ههههههه

بشرة ويهي عاديه و الحمد لله خاليه من الحبوب و الرؤوس السوداء و النمش الخ. بس نادرا يطلع لي ع خدي منطقه قد عملة النص درهم تقريبا جافه .. فما اعرف اذا المفروض اعتبر بشرتي مختلطه؟؟
عندي تصبغات في بعض الاماكن في الجسم بس مستمره على الدوكين و الدبروسالك و النتايج في تحسن الحمد لله

شعري اصبغه في الصوالين مره فالسنه و الباقي في البيت و عندي شيب وراثي من انا صغيره فما تفرق معاي الصبغه احب الشيب
شعري قصير و ما اتعبث فيه وايد دايما مرفوع و ما استخدم السشوار انشفه بالفوطه و بعدها اخليه ينشف بروحه
استخدم له حمامات الزيت من اكثر من ماركه مرتين فالشهر تقريبا و ما اقصه الا يوم اروح الصالون .. حااليا مقصوص مدرج قصير من ورا طويل من جدام << خخخ حركات

اضافري للحين ما عندي لهم شكل معين مرات مربع و مرات شكل هندسي هههههههه
صبوعي قصار طالعات ع ايدين اخوي و عراض شوي فبشكل عام اكره ايديني و ما اعرف احط مناكير ههههههههههههههه
بس احاول اتعلم و ما يضبط بس عادي الامور طيبه
عندي لهم مقويات و مغذيات الي تنحط مثل المناكير
كنت اعض الجلد الي حول الاظافر بس قمت انتبه لهالنقطه و صار شكلهم احلى بوايد بس الي اقصده ما اعرف اتفنن في تشكيلهم و ديزاينهم

عندي في جسمي خطوط بيضا بس متأقلمه معاهم عادي .. كان وزني ٦٥ و حاليا ٦١ و طولي ١٥٣

بالنسبه لشعري ما اعرف اسوي الغره هههه تضبط ع اليمين اكثر و يوم انزلها يصيبني صداع =)
حواجبي مستحيل امسك فيهن شعره .. هالشي مفروغ منه لكن حبيت اقولكم ان الشعر الي اول الحاجب طويل و ماعندي اي فكره عن رسم الحواجب و مستحيل انتف لو قصوا رقبتي .. المكياج اعرف احطه بس ما اتقبل شكلي فيه..
احس اي لون احطه ما يضبط و يوم يشوفوني خواتي يقولون وايد حلو ضبطتيه! وانا ما اقدر اتقبل اي لون روج ع شفايفي للحين ما اعرف لون معين حطيته و ناسبني
لوني حنطاوي جميل و صافي الحمد لله المفروض ما اتلعوز هالكثر بالمكياج بس لاني ما اجرب ما قمت اعرف شو اسوي و اي لون يناسبني اخواتي ابيض عني بدرجات فما اقدر اقارن الاالوان الي تضبط عليهن معاي.. بس اختيه دوم تقولي بيونسيه كل شي تحطه و يناسبها لا تخافين ههههه اكتبوا byonce في قوقل و حطوا صور بتشوفون صورتها و هيه ماسكه الفون و تصيح و مسكرتها سايحه انا لوني جيه و اخواتي بيض وايد فرق بيني و بينهم الله يخلي الحواطه في الشمس وقت القايله هههههههه بس جد الي يناسب الباقيين و نفس لوني ما يناسبني.. بس الامور طيبه! هههه

و بالنسبه للتجاعيد للحين مافي بس اتوقع ٥ او ٦ سنين جدام و بحتاج انتبه لبشرتيه اكثر

باختصار عقب هالحرطمه كلها ممكن تشاركون جدولكم للعنايه الشخصيه؟ مع او بدون ذكر المنتجات لان كل وحده يناسبها شي مختلف و كل وحده تتوفر حولها منتجات مختلفه
او تعطوني نصايح من عقب ما قريتوا عن نمط حياتي و جيه

حبيت اقول نقطه مهمه: مش عشان موضوع الخطاطيب قمت اهتم.. لا انا اهتم من زمان لكن اهتماماتي كانت محدوده بالنظافه و الرياضه و الترطيب و التقشير و التغذيه .. الوحده تهتم لها مش لحد ثاني.. بس طبعا وقت العرس للمتزوجات العنايه تكون اكثر شوي