خواتي مأساة شفت شباب يلاحقن بنات شالاتن السفي في اونه يبن وظيفة والاخوات عايبتهن السالفة يتميعن والعبي ازقرت فخمة والمكياج تقولين عروووووس لحقوهم الشباب ورقموهم … ذلهت لما شفت جذه البنات مع احترامي لكل البنات ؟؟ ليش البنت سترها بالحجاب وحياءها ولا شو رايكم ؟؟
كنت سايرة يا ريلي اقدم علي وظيفة تمنيت اطلع باسرع وقت من الي شفته مشاهد مقززة والله خواتي وين نحن ؟؟؟:1 (7):
يانااس وين الحيا و المستحى اين حياء الفتاة ؟؟؟ ضاع تلاشى ؟؟؟ اخر الزمان فتن كل مكان ؟؟؟ بعد ما نلوم الرياييل :22 (5): الشباب يطاردونهم ويشوفون من الاحلى فيهن ويطنزون؟؟ ويرقمونهم:1 (40):
ردووودكم خواتي مناقشاتكم اريد اسمعها عزيزاتي شو تنصحون هذي الشريحة من البنات؟؟ الي يلفتن النظر بالعبي الملونة والمكياج وعطور روائحها جذابة لاثارة الشباب تبن ريل ولا وظيفة ؟؟؟ اتقوا الله:1 (6):
مانقول غير اللهم اهديهم واهدينا واستر علينا وعلى بنات المسلمن
مشكورة اختي لحظات عابرة رايج اايده لانها فعلا ظاهرة قامت تخل بعاداتنا وتقاليدنا للاسف رايج رووعة وشكرا على هذا المثال الحي من واقعج ………الله يهدي بناتنا
و يمكن اصلا هالشي هو الي حاصل … انه المدراء او المسؤولين يبون وحده فري … ما يبون وحده بحجابها و نقابها …
انا بصراحه يوم اسير المعرض اشوف و اتعجب من اشكال البنات … صدق كنج داشه مسابقة اختيار البنت الاكشخ …..
الله يهديهم بس …
مشكورة اختي الغالية على الرد فعلا صار تفاخر في اللبس لارضاء المدراء والمرؤوسين
فعلا اايدج صارت الكشخة والمكياج جواز مرور الكثير من هذي الفئة ………….من البنات