للماكييرات عندي استفسار مجنني….شلون تقدرون تخفون الهالات الي تحت العين و تخلون ما لها اثر؟؟؟ انا جربت كل شي بصراحه مرات اقدر اخفي بدرجه كبيره ومرات تطلع الهالات اسوأ عن لول…
عندي هالكونسيلرات:
باليتت ميك اب فو ايفير، شيسدو ثلاث الوان على بيج وعلى سلاموني(امبين الوردي والبرتقالي) وعلى ابيض، ستيك بن ناي افتح من لون بشرتي (الي هي حنطيه فاااتح)،مايبلين، والديرماكول، وبعض الكونسيلرات الي من ماركات ايطاليه (شي روميو لووول).وبعد ماك ستيك بس لاحظته شوي غامج
الفاونديشنات:
بن ناي واتر فاونديشن، شيسدو، ايف سان لوران، ماك كومباكت باودر،الخ
يمكن المعلومات مش مهمه وايد بس حبيت حد ينصحني بالكونسيلرات الي عندي او شو النوع الي اقدر اييبه ويخفي الهالات، ممكن طريقتي هي الي غلط، مع اني ارطب محيط العين وبعدين احط الكونسيلر بالفرشاه الخاصه او بطريقة التربيت على حس كثافته…
عطونا من خبراتكم الغاليات…ومشكورين مقدما 
و بعد ما اغطي الهالات احط مسحه من كونسيلر ايف سان لوران عشان يعطي اضاءة لانه هو اصلا عاكس للضوء بس ما ينفع كتغطيه بروحه.
نبا نعرف راي الخبيرات في هالموضوع.